Gundeninda Gudigantalu Today జూన్ 04 ఎపిసోడ్: మనోజ్ చెంపలు వాయించిన కానిస్టేబుల్స్.. ప్రశ్నించు కానీ దౌర్జన్యం చేయకు.. బాలుకి ఎస్సై వార్నింగ్

ఇంటికి పోలీసులు..

ఇంటికి పోలీసులు..
జరిగిన విషయం అంతా కూడా సత్యంకి బాలు, మీనాలు చెబుతారు. కానిస్టేబుల్స్‌ని సత్యం రిక్వెస్ట్ చేస్తాడు. అదంతా మాకు తెలీదండి.. డ్యూటీకి అడ్డుపడ్డ బాలుని తీసుకు వెళ్తాం.. ఏమైనా ఉంటే స్టేషన్‌కి వచ్చి మాట్లాడుకోండని కానిస్టేబుల్స్ అంటారు. ఇక బాలు వెంటే మీనా కూడా వెళ్తాను అని అంటుంది. నువ్వు వెళ్తే ఇక్కడ వంట ఎవరు చేస్తారు అని ప్రభావతి అడుగుతుంది. అసలు మీరే అమ్మేనా? కన్నతల్లేనా? అన్నమే తింటున్నారా? ఒక పక్క కొడుకుని పోలీసులు పట్టుకు వెళ్తుంటే మీకు వంట కావాల్సి వచ్చింది.. ఇక నుంచి నేను వంటే చేయను.. అని మీనా అంటుంది.

అన్నం ఎలా సహిస్తుంది..

అన్నం ఎలా సహిస్తుంది..
ఒక రోజు ఒక పూట అన్నం తినకపోతే ఏమైనా అవుతుందా? అని మీనా చీదరించుకుంటుంది. బాలు మాత్రం వద్దు లే నేను వెళ్లి వస్తాను.. నువ్వు ఇంట్లోనే ఉండు అని మీనాకి చెబుతాడు. ఇక మీనా అన్న మాటలకు సత్యం, రవి, శ్రుతి కూడా వంత పాడుతారు. మీనా అన్నదాంట్లో తప్పేం ఉంది.. ఇన్ని రోజులు నీకు అన్నం పెట్టింది.. ఇప్పుడు గడ్డి పెట్టింది అని సత్యం కౌంటర్లు వేస్తాడు. అసలు అమ్మ నీకు అన్నం ఎలా సహిస్తుంది.. అని రవి అంటాడు. ఏమీ అనకండి.. అసలే ఆస్తి పోయిందనే దు:ఖంలో మీ అమ్మ గారు ఉన్నారు అని శ్రుతి కౌంటర్లు వేస్తుంది.

మనోజ్ ఓవర్ యాక్షన్..
ఇక బాలుని పోలీస్ స్టేషన్‌లో కూర్చోబెడతాడు. ఇంతలో ఆ ట్రాఫిక్ పోలీసోడు వచ్చి కౌంటర్లు వేస్తాడు. నేను నిజాయితీగా ఉన్నంత వరకు ఎవ్వరికీ భయపడను అని బాలు అంటాడు. ఆ తరువాత ఆ ట్రాఫిక్ పోలీస్ వెళ్లిపోతాడు. బాలు కోసం మీనా అక్కడికి వెళ్తుంది. ఆపై మనోజ్, రోహిణి తమ కేసుకి సంబంధించిన అప్డేట్ అడిగేందుకు వస్తారు. అక్కడ బాలు, మీనాలను రోహిణి, మనోజ్ కౌంటర్లు వేస్తాడు. వీడికి ఇలానే కావాలి.. ఓ వారం రోజులు ఇందులోనే పెట్టేయండని కానిస్టేబుల్‌కి చెబుతాడు మనోజ్. అంటే నువ్వు చెబితే మేం చేయాలా? అన్నట్టుగా వాళ్లు చూస్తారు.

బాలు, మీనా కౌంటర్లు..
బాలుకి ఇలా స్టేషన్‌కి రావడం కొత్తేమీ కాదుగా అన్నట్టు రోహిణి కౌంటర్లు వేస్తుంది. మేం ఏమీ ఫ్రాడ్ చేసి మీలా స్టేషన్‌కి రాలేదు.. ఒకరిని మోసం చేయలేదు.. మోసపోలేదు.. మేం నిజాయితీగానే ఉన్నాం అని బాలు, మీనాలు కౌంటర్లు వేస్తాడు. ఇతను మీ అన్నయ్య అని కానిస్టేబుల్స్ అడిగితే.. అవును అని చెబుతూ లక్షలు మింగిన సంగతి, పార్కులో ఖాళీగా పడుకున్న సంగతి.. గుడి ముందు అని చెప్పబోతోంటే మనోజ్, రోహిణిలు అడ్డుకుంటారు. వీళ్లతో మనకు ఎందుకు మన పని మనం చూసుకుందాం అని రోహిణి అంటుంది. వీళ్లకి నా స్టేటస్ ఏంటో చూపిస్తా అని రోహిణి వద్దన్నా మనోజ్ ఓవర్ చేస్తాడు.

ఎవ్వరికీ భయపడను..
ఇక బయటకు వచ్చిన తరువాత బాలుని రెచ్చగొట్టే ప్రయత్నం చేస్తాడు ఆ ట్రాఫిక్ పోలీస్. నువ్వు ఏం చేసినా నేను బయపడను.. నిజాయితీగా ఉన్నంత వరకు నేను ఎవ్వరికీ భయపడను అని బాలు అంటాడు. ఇప్పుడు తప్పించుకున్నావ్.. నీ పని పట్టడమే నా పని అంటూ బెదిరిస్తాడు. నీ బెదిరింపులకు నేను భయపడను.. ఏం చేస్తావో చేసుకో అని బాలు అంటాడు. ఇక ఇంతలో ఆ ఎస్సై మళ్లీ ఆ ట్రాఫిక్ పోలీస్‌ను లోపలకు పిలుస్తాడు. ఎందుకయ్యా మీకు అతనితో గొడవ అని బాలుతో కానిస్టేబుల్ అంటాడు. అలా ఎపిసోడ్ ముగుస్తుంది. మరి మున్ముందు ఇతడి వల్ల బాలుకి ఎలాంటి సమస్యలు వస్తాయో చూడాలి.