హైదరాబాద్‌లో రేపు వైన్స్, బార్లు బంద్.. సీపీ సజ్జనార్ ఆదేశాలు

హైదరాబాద్‌లో రేపు వైన్స్, బార్లు బంద్ చేయాలని సీపీ సజ్జనార్ ఆదేశాలు జారీ చేశారు. హోళీ పండగ సందర్భంగా ఉదయం 6 గంటల నుంచి సాయంత్రం 6 గంటల వరకు అన్ని మద్యం దుకాణాలు మూసి ఉంచాలని ఆదేశించారు. రూల్స్ అతిక్రమిస్తే.. కేసులు నమోదు చేస్తామని తీవ్ర హెచ్చరికలు జారీ చేశారు. హోళీ పండగను అందరూ శాంతియుతంగా, ఆనందంగా జరుపుకోవాలని సీపీ సజ్జనార్ ఆకాంక్షించారు.

Wines Closed

హైదరాబాద్‌లో రేపు వైన్స్, బార్లు బంద్.. సీపీ సజ్జనార్ ఆదేశాలు

హోలీ పండుగ సందర్భంగా హైదరాబాద్‌లో పోలీసులు కఠిన ఆంక్షలు విధించారు. మార్చి 3న (మంగళవారం) ఉదయం 6 గంటల నుంచి సాయంత్రం 6 గంటల వరకు.. హైదరాబాద్ నగర పరిధిలో వైన్స్, కల్లు కాంపౌండ్లు, బార్లు, క్లబ్‌లు మూసివేయాలని హైదరాబాద్ సీపీ సజ్జనార్ ఆదేశాలు జారీ చేశారు. నిబంధనలు ఉల్లంఘిస్తే సిటీ పోలీస్ చట్టం కింద కేసులు నమోదు చేస్తామని తీవ్ర హెచ్చరికలు చేశారు. ఎక్కడైనా, ఎవరైనా సమస్యలు సృష్టిస్తే తక్షణమే డయల్ 100కు ఫోన్ చేసి సమాచారం ఇవ్వాలని సూచించారు. హైదరాబాద్ నగరవాసులు.. పోలీసులకు సహకరించి హోలీ పండుగను సంతోషంగా జరుపుకోవాలని సజ్జనార్ సూచించారు.

నగర పరిధిలో హోలీ పండగ వేళ.. లా అండ్ ఆర్డర్‌కు భంగం కలగకుండా.. స్వచ్ఛందంగా దుకాణాలు మూసివేయాలని వైన్‌ షాప్ యజమానులకు ఇప్పటికే ఆదేశాలు జారీ చేసినట్లు సీపీ సజ్జనార్ తెలిపారు. మద్యం తాగి బహిరంగ ప్రదేశాల్లో ఘర్షణలకు దిగితే కఠిన చర్యలు తీసుకుంటామని హెచ్చరికలు చేశారు. హోలీ సందర్భంగా ప్రతి సంవత్సరం హైదరాబాద్ నగరంలో వైన్ షాపులు తెరిచేందుకు పోలీసులు అనుమతి ఇవ్వడం లేదు.

మరోవైపు.. తెలియని వ్యక్తులపై కలర్ చల్లితే కఠిన చర్యలు తీసుకుంటామని కూడా సీపీ సజ్జనార్ హెచ్చరించారు. హోలీ పండుగ సందర్భంగా హైదరాబాద్‌లో పోలీస్ యాక్ట్ అమలులో ఉంటుందని తెలిపారు. రోడ్లపై రంగులు చల్లుతూ వాహనదారులకు ఇబ్బంది కలిగించొద్దని.. అలా చేసిన వారిపై చట్టపరంగా చర్యలు తీసుకుంటామని తెలిపారు. బైక్‌లు, కార్లు, ఇతర వాహనాలతో గుంపులు గుంపులుగా తిరగొద్దని పేర్కొన్నారు. రసాయన రంగులకు బదులు సహజ రంగులు వాడి.. హోలీ పండగను సహజ సిద్ధంగా జరుపుకోవాలని హితవు పలికారు. హోలీ పండగ సందర్భంగా డీజేలకు అనుమతి లేదని స్పష్టం చేశారు. మహిళల రక్షణ కోసం షీ టీమ్స్‌తో ప్రత్యేక నిఘా ఏర్పాటు చేస్తామని సీపీ సజ్జనార్ తెలిపారు.

మార్చి 3వ తేదీనే హోలీ పండగ

ఈసారి హోలీ పండగ తేదీ విషయంలో తీవ్ర గందరగోళం తలెత్తింది. మొదట తెలంగాణ పాఠశాల విద్యా శాఖ తన అకడమిక్ క్యాలెండర్‌లో హోలీ పండగ సెలవు మార్చి 4వ తేదీ అని పేర్కొంది. కానీ ప్రస్తుతం హోలీ పండగను 3వ తేదీనే జరుపుకోవాలని పండితులు సూచిస్తున్నారు. దీంతో ప్రభుత్వం కూడా హోలీ పండగను 3వ తేదీకి మార్చింది. ప్రభుత్వ నిర్ణయంతో హోలీ సెలవును మార్చి 4వ తేదీ కాకుండా మార్చి 3వ తేదీనే అని తాజాగా తెలంగాణ పాఠశాల విద్యా శాఖ సర్క్యులర్ జారీ చేసింది.