మీనాకి శ్రుతి గిఫ్ట్..
ఏంటి నా నెత్తి మీద నిజంగానే పోస్తుందా? అని ప్రభావతి భయపడుతుంది. అత్తగారి మాటను మీరకూడదు కదా అని సత్యం కౌంటర్లు వేస్తాడు. వేడి నీళ్లు కావు.. వేడి పాలు..తాగి పడుకోండని మీనా అంటుంది. ఇదే కాపడం పెట్టమని రోహిణిని అడగండి.. పెడుతుందేమో అని మీనా కౌంటర్లు వేస్తుంది. ఇంతలో రవి, శ్రుతి వచ్చి మీనాకి కాస్ట్ లీ ఫోన్‌ను గిఫ్ట్‌గా ఇస్తారు. ఇదంతా నాకు ఎందుకు అని మీనా అంటుంది. నీ బిజినెస్‌కి పనికి వస్తుందని శ్రుతి, రవి అంటారు. మనం గోల్డ్ గిఫ్ట్‌గా ఇచ్చాం.. కానీ మనకు ఏ గిఫ్ట్ ఇవ్వలేదు అని రోహిణి, మనోజ్ అనుకుంటారు.

అరుణ్‌కి సుమతి సాయం..
మరో వైపు అరుణ్ తన తల్లి రాజేశ్వరికి హెల్త్ బాగోలేదని సుమతి ఉన్న హాస్పిటల్‌కి తీసుకు వస్తాడు. అక్కడ అరుణ్ తల్లిని ఒక రోజు హాస్పిటల్లో అడ్మిట్ చేయాలని డాక్టర్ చెబుతాడు. తనకు పని ఉందని, అలా అడ్మిట్ చేయలేను అని అరుణ్ అంటాడు. అప్పుడే స్టేషన్ నుంచి అర్జెంట్ కాల్ కూడా వస్తుంది. నేను ఉంటాను.. నేను చూసుకుంటాను.. మీరు వెళ్లండని అరుణ్‌కి సుమతి చెబుతుంది. సుమతి మంచితనాన్ని చూసి రాజేశ్వరి కూడా ముచ్చటపడుతుంది. ఈ కాలంలోనూ ఇంత మంచి వాళ్లు ఉన్నారా? మేం పరాయి వాళ్లమే అయినా సొంత వారిలా చూసుకుంటోందని సుమతి గురించి రాజేశ్వరి అనుకుంటుంది.

బాలు భజన..
ఇంకో వైపు రోహిణి, విద్య ఎటో వెళ్తుంటారు. నీకు ఓ విషయం చెప్పాలా? అని.. భయపడకూడదు మరి అని విద్య అంటుంది. ఏంటో చెప్పు.. అని రోహిణి అంటుంది. బండికి బ్రేకులు పడటం లేదు అని విద్య అనడంతో.. కంగారు పడి దూకేస్తుంది రోహిణి. ఏంటి అలా దూకేసేశావ్ కాస్త కూడా ఆలోచించవా? అని అబద్దం చెప్పాను.. బ్రేకులు పడుతున్నాయ్ అని విద్య నవ్వుతుంది. ఆ తర్వాత గుణ టాపిక్ వస్తుంది. వాడికి బాలునే కరెక్ట్.. బాలు చాలా తెలివైన వాడు.. అని బాలు గురించి గొప్పగా చెబుతుంది విద్య. అలా బాలు భజన చేస్తుంటే రోహిణికి మండిపోతుంటుంది.

మీనా న్యూ ఐడియా..
ఇక ఇంతలో మీనా కనిపించిందని విద్య అటు వైపుగా వెళ్తుంది. మీనాని పిలిచి మాట్లాడుతుంది విద్య. నీ ప్రేమ కథ ఎక్కడి వరకు వచ్చిందని, ఐడియా వర్కౌట్ అయిందా అని మీనా అడుగుతుంది. లేదు.. ఎలా అడుగు ముందుకు వేయాలో తెలీడం లేదని విద్య అంటుంది. అయితే ఈ సారి ఇంటికి వచ్చినప్పుడు ఎందుకు వస్తున్నావ్ అని గట్టిగా అడుగు.. అప్పుడు తనలో ఉన్న ఇష్టం గురించి చెబుతాడు.. అప్పుడు ఈ ఫోన్స్ ఎక్స్ ఛేంజ్ గురించి చెప్పు.. నీ వరకు ఓ వేరే ఫోన్ ఇవ్వు అని విద్యకు ఐడియా చెబుతుంది మీనా. ఈ ఐడియా బాగుందని విద్య అంటుంది. ఇంతలో మీనాకి పని ఉండటంతో వెళ్తాను అని చెబుతుంది.

ఏం మాట్లాడుకున్నారో..
మీనా, విద్య అంత క్లోజ్‌గా మాట్లాడుతూ ఉండటంతో రోహిణికి మండుతుంది. ఏ విద్య.. అని రోహిణి అరుస్తుంది. అమ్మో అని విద్య అనుకుంటూ వెళ్తుంది. మీనాతో ఏంటి మాట్లాడుతున్నావ్ అని రోహిణి అడుగుతుంది. తర్వాత చెప్తాలే.. అని విద్య అంటుంది. నాకు తెలియని సీక్రెట్ ఉందా? ఏం మాట్లాడుకున్నారో అని రోహిణి అనుకుంటుంది. మనం వెళ్దాం పదా అని విద్య అంటే.. నువ్వు డ్రైవ్ చేయకు.. నేను చేస్తాను తల్లి అని రోహిణి అంటుంది. అక్కడ సీన్ కట్ చేస్తే రాజేష్, బాలు ఓ హోటల్‌కి వెళ్తారు. అదే హోటల్‌కి అరుణ్ కూడా వస్తాడు.

అరుణ్‌ను గెలికిన బాలు..
అరుణ్ ఉన్న విషయాన్ని గమనించిన బాలు రెచ్చగొట్టే ప్రయత్నం చేస్తారు. కొందరు దౌర్జన్యం చేసిన, వృద్దుల మీద కోపాన్ని చూపించి.. నిజాయితీగా ఉండే వాళ్ల మీద కేసులు పెట్టి.. రికమండేషన్‌లో ఉద్యోగాలు కొట్టి ఓవర్ చేస్తుంటార్రా అని రాజేష్‌తో అంటాడు బాలు. అలాంటి వాళ్లు ఇప్పుడు ఎవరు ఉన్నార్రా.. అని రాజేష్ ఉంటారు. ఉంటార్రా కొంత మంది.. అలా సంపాదించే డబ్బులతో కడుపునిండా భోజనం చేస్తుంటారు.. అసలు వారికి ఎలా సహిస్తుందో అని అరుణ్‌ను ఇంకా రెచ్చగొడతాడు బాలు. దీంతో బాలు కాలర్ పట్టుకుంటాడు అరుణ్.

వీడియో తీసిన రాజేష్..
బాలు ప్లేట్ ఫిరాయించి.. అమాయకుడిలా నటించేస్తాడు. చూశారా? నా కాలర్ పట్టుకుంటున్నాడు.. మొన్నీ మధ్యే ఓ బామ్మని తోసేశాడు.. నా మీద తప్పుడు కేసు పెట్టారు.. ఇప్పుడు ఇలా చేస్తున్నాడు.. అందరూ రికార్డ్ చేయండి.. చేయండి అని అంటాడు. దీంతో రాజేష్‌తో పాటుగా చుట్టు పక్కల ఉన్న వాళ్లంతా వీడియోలు తీస్తుంటారు. నా ఉద్యోగం పీకించాలని చూస్తున్నావ్ కదా అని అరుణ్ అంటే.. అవును రా అని బాలు అంటాడు. చూస్తా.. నువ్వే నా ఏకైకా శత్రువు అని అనుకుంటూ అరుణ్ వెళ్లిపోతాడు. వాడితో నీకు ఎందుకు రా అని రాజేష్ అంటాడు.

సుమతి పెళ్లి టాపిక్..
ఇంకో వైపు పూల కొట్టు వద్దకు సుమతి, మీనా వస్తారు. అక్కడ కాసేపు శివ గురించి, ఆ లీక్డ్ వీడియో గురించి మాట్లాడుకుంటారు. హాస్పిటల్‌కి వెళ్లొస్తా.. అక్కడ ఓ పేషెంట్ ఉన్నారు అని సుమతి అంటుంది. పక్క వారికి సాయం చేయడంలో మన నాన్ననే గుర్తు చేస్తుంటుంది సుమతి.. నాన్న కూడా అంతే అందరికీ సాయం చేసేవారు అని మీనా అంటుంది. ఇక సుమతికి పెళ్లి చేయాలని.. అంతా అడుగుతున్నారని అమ్మ చెప్పడంతో మీనా కూడా సరే చూద్దాం అని అంటుంది. ఇంతలో శివ వస్తాడు. ఓ గుడ్ న్యూస్ చెప్తాడు.