నువ్వు అడిగితే బామ్మ ఇస్తుంది.. కావాలంటే పొలం అయినా అమ్మేస్తుంది.. అడుగుతాను మీనా అని బాలు అంటాడు. నేను ఎందుకు అలా అడుగుతాను అండి.. పెద్దల ఆస్తిని మనం మన పిల్లల కోసం ఉంచాలన్నట్టుగా మీనా మాట్లాడుతుంది. మరి డబ్బులు ఎక్కడి నుంచి పట్టుకు వద్దాం అని బాలు అంటే.. మళ్లీ ఆ సింగరాజు గారినే అడుగుదాం అని మీనా అంటుంది. నువ్వే కదా.. ఆ సింగరాజు గారిని అడగొద్దు అని అన్నావ్.. అని బాలు అంటే.. మనకు వేరే దారి లేదు కదండి అని మీనా అంటుంది.

ప్రభావతికి స్వీట్ ఇస్తుంటుంది కామాక్షి. నాకు స్వీట్ వద్దు కారం కావాలి.. మండిపోతుంది అని అంటుంది ప్రభావతి. తీపి తింటే స్వీట్ మాటలు వస్తాయి.. అని కామాక్షి అంటే.. దీని కోసం రాలేదు.. ఆ చింతామణి కోసం వచ్చా.. అని ప్రభావతి అంటుంది. చింతామణి అయితే మంచి మాటలు మాట్లాడుతూ గోతులు తీస్తుంది లే అని అంటుంది కామాక్షి. అదే టైంకి చింతామణి వస్తుంది. మీనాకి పెద్ద ఆర్డర్ వచ్చింది.. ఐదు లక్షలు అడ్వాన్స్ కట్టాలంట కదా అని ప్రభావతి చెబుతుంది. అవునా అయితే.. స్వీట్ తినాల్సిందే అని కామాక్షి అంటుంది.

మీనాకి ఆ ఆర్డర్ రాకూడదు.. ఆ డబ్బుల కోసం నా ఇంటికి ఎసరు పెట్టాలని చూసింది.. కానీ నేను ఒప్పుకోలేదు.. మా అత్త గారి పొలాన్ని అమ్మాలని చూస్తుందంటూ ప్రభావతి చెబుతుంది. ఎట్టి పరిస్థితుల్లోనూ ఆ ఆర్డర్ మీనాకి దక్క కూడదు.. దానికి పొగరు పెరిగిపోతుంది.. అది నా చెప్పు చేతల్లోనే ఉండాలి.. నువ్వేం చేస్తావో నాకు తెలీదు.. అలా అని లాస్ట్ టైం అయినట్టు.. దానికి నష్టం అయితే రాకూడదు.. అసలు ఆర్డర్ రాకుండానే చేయాలి అని చెబుతుంది ప్రభావతి. మీరేం కంగారు పడకండి.. అని చింతామణి అంటుంది.

బాలు, మీనా అడిగితే మా అత్త పొలం ఇస్తుంది అని ప్రభావతి అంటే.. రెండు రోజుల్లో పొలం అమ్మడం, డబ్బులు రావడం జరగదు.. కాబట్టి మీనాకి ఆర్డర్ రాదు లే అని చింతామణి అంటుంది. మీనాకి కచ్చితంగా ఆర్డర్ వస్తుంది.. బాలు గాడు మీనాని గెలిపిస్తాడు.. కావాలంటే మీకు రాసిస్తాను చూసుకోండని కోపంతో వెళ్లిపోతుంది కామాక్షి. ఆమె మాటల్ని అంతగా పట్టించుకోకు.. కానీ నా మాటల్ని మాత్రం సీరియస్‌గా తీసుకో అని అంటుంది ప్రభావతి. సరే అని చెప్తుంది చింతామణి. ఇంకో వైపు బాలు కొత్త చీరను పట్టుకొస్తాడు.

అప్పటికే తన తమ్ముడు శివకి రాఖీ కట్టాలని, కొత్త చీర లేదే అని మీనా అనుకుంటూ ఉంటుంది. అంతలో బాలు కొత్త చీర తీసుక వస్తే.. బాగుందని మీనా అంటుంది. కానీ బాలు చెప్పేది మీనా వినదు. ఇది మా చెల్లి మౌనికకి తీసుకు వచ్చా అని బాలు అంటాడు. నాకు నచ్చింది.. నేను తీసుకుంటా అని కావాలనే అంటుంది మీనా. సరే అని బాలు డల్ అవుతాడు. నాకు తెలుసండి.. ఇది మౌనిక కోసమే తీసుకు వచ్చారు అని మీనా అంటుంది. కానీ మౌనికను వాళ్ల ఆయన పంపిస్తాడా? అని మీనా అడుగుతుంది. కచ్చితంగా వస్తుందని బాలు అంటాడు.

ఇంతలో మౌనిక కొన్ని రాఖీలను ఆర్డర్ పెడుతుంది. ఏంటి అది అని సంజు అడుగుతాడు. ఏం లేదు.. రేపు వ్రతం కదా.. పసుపు, కుంకుమ ఆర్డర్ పెట్టా అని చెబుతుంది. దీంతో సంజుకి అనుమానం వస్తుంది. సరే నాకు ఏదైనా చేసి పెట్టు అని సంజు అడిగితే.. కిచెన్‌లోకి వెళ్తుంది మౌనిక. అంతలోపు సంజు బెడ్రూంలోకి వెళ్లి.. మౌనిక దాచి పెట్టిన కవర్‌ను వెతుకుతాడు. ఇక మౌనికకి కూడా అనుమానం వస్తుంది. మౌనిక బెడ్రూంలోకి వచ్చే సిరిక సంజుకి ఆ రాఖీలు కనిపిస్తాయి. ఇవేనా పసుపు, కుంకుమ అని సంజు అడుగుతాాడు.

మరి పూలు ఏవి.. నా చెవిలో పెట్టావా? అని సంజు కౌంటర్ వేస్తాడు. నేను వస్తాను అని మా అన్నలు ఎదురు చూస్తుంటారు అని మౌనిక అంటే.. అందులో ఒకడ్ని చంపాలని నేను చూస్తున్నా అని సంజు అంటాడు. ఎందుకు అండి అలా మాట్లాడతారు.. ఎవరు గొడవ పడినా.. ఎవరో ఒకరి ఐదో తనం పోతుంది కదా అని మౌనిక అంటుంది. అంటే మీ అన్న.. నన్ను చంపేస్తాడా? చూద్దాం.. ఎవరు ఎవరిని చంపేస్తారో.. నువ్వు మాత్రం అక్కడకు వెళ్లడానికి వీల్లేదు అని వార్నింగ్ ఇస్తాడు సంజు. అంతటితో ఎపిసోడ్ పూర్తవుతుంది.