శని దోషం తొలగిపోవాలంటే 11 తమలపాకులతో చేసే పూజ చక్కటి పరిష్కారమట!

శని దోషం తొలగిపోవాలంటే 11 తమలపాకులతో చేసే పూజ చక్కటి పరిష్కారమట!

Tamalapaku Significance in Pooja హిందూ సంప్రదాయంలో పూజలు, నోములు, వ్రతాలు, పెళ్లిళ్లు, శుభకార్యాల్లో తమలపాకులు లేనిదే పూజ సంపూర్ణం కాదు. తాంబూలంలో అయితే తమలపాకులదే అగ్రస్థానం. తమలపాకులు శుభకార్యాలకు సంపూర్ణత తీసుకురావడమే కాకుండా దివ్యశక్తులను ఆహ్వానించే పవిత్ర పత్రంగా భావిస్తారు. అయితే తమలపాకులకు ఆధ్యాత్మిక ప్రాముఖ్యతతో పాటు ఔషధ గుణాలు సైతం అనేకం ఉన్నాయి. ఆయుర్వేదంలో తమలపాకులను జీర్ణశక్తి పెంచడానికి, శ్వాస సంబంధిత సమస్యల నివారణకు సైతం ఉపయోగిస్తారు.

Betel Leaf in Shani Dosha Nivarana Pooja

తమలపాకులతో శని దోషం పూజ

Significance of Betel Leaf in Pooja and Hinduism హిందు సంప్రదాయంలో తమలపాకుకు విశేషమైన ప్రాధాన్యత ఉంది. ముఖ్యంగా పూజల్లో తమలపాకును అఖండ భాగంగా పరిగణిస్తారు. పూజలు, పెళ్లిళ్లు, వ్రతాలు, నోములు ఇతర శుభ కార్యాల్లో తమలపాకును తప్పకుండా వినియోగిస్తారు. భారతీయ సంస్కృతిలో తమలపాకు వినియోగం ఒక విడదీయరాని భాగంగా మారిపోయింది. ఈ తమలపాకును పవిత్రతకు చిహ్నంగా భావిస్తారు. ఇక తాంబూలంలో అయితే తమలపాకులదే అగ్రస్థానం. శుభకార్యమైనా, పుణ్యకార్యమైనా.. కార్యం ఏదైనా తమలపాకులు ఉంటేనే పరిపూర్ణం. అలాగే తమలపాకులతో ఆచరించే పరిహారాలతో దుష్ట శక్తులు దూరమవుతాయని.. దివ్యశక్తులు సుస్థిరత చేకూరుస్తాయని పండితులు చెబుతారు.

తమలపాకులను నాగవల్లి దళం అని, దేవతాదళం అని పిలుస్తారు. తమలపాకుల్లో సకల దేవతలు కొలువై ఉంటారనేది పురాణ వచనం. తమలపాకు యొక్క తొడిమలో లక్ష్మీదేవి కొలువై ఉంటుందట. అలాగే తమలపాకు మధ్య భాగంలో పార్వతి దేవి ఉంటుందట. ఇక తమలపాకు యొక్క కొన భాగంలో చదువుల తల్లి కొలువుల కల్పవల్లి సరస్వతీ దేవి కొలువై ఉంటుందట. అంతే కాకుండా తమలపాకులో త్రిమూర్తులైన బ్రహ్మ, విష్ణు, మహేశ్వరులు, ఇంద్రుడు, మన్మథుడు కొలువై ఉంటారట. అందుకే అత్యంత పవిత్రమైన తమలపాకులను శుభకార్యాల్లో వినియోగిస్తారు. ముఖ్యంగా తమలపాకులో లక్ష్మీదేవి కొలువై ఉంటుంది కాబట్టి పూజలో తమలపాకు వినియోగం వల్ల శ్రేయస్సు కలుగుతుందని చెబుతారు. అంతేకాకుండా కొత్తగా వివాహమైన నూతన వధూవరుల చేత తాంబూలం తినిపిస్తే అన్యోన్య దాంపత్య జీవితం సిద్ధిస్తుందని కూడా విశ్వాసం.

ఆంజనేయుడికి అత్యంత ప్రీతికరం
రావణుడి చెరలో ఉన్న సీతమ్మ జాడను తెలుసుకుని శ్రీరాముడి సందేశాన్ని ఆంజనేయుడు సీతాదేవికి అందించినప్పుడు.. సీతాదేవి ఎంతో సంతోషించి తమలపాకుల దండతో హనుమంతుడిని ఆశీర్వదించిందట. అప్పటి నుంచి తమలపాకులు అనేటివి ఆంజనేయ స్వామికి అత్యంత ప్రీతికరమైనవిగా మారాయనే విషయాన్ని రామాయణంలోని సుందరకాండలో వివరించి ఉంది. కాబట్టి ఆంజనేయస్వామికి తమలపాకుల మాల వేయడం వల్ల ఆయన సంతోషించి శని ప్రభావం నుంచి రక్షిస్తాడని నమ్మకం.

శని దోష నివారణకు కూడా..
ఆంజనేయస్వామిని తమలపాకులతో పూజిస్తే, తమలపాకుల మాల సమర్పిస్తే శని దోషాలు తొలగుతాయని, తలపెట్టిని పనుల్లో విజయం సిద్ధస్తుందని విశ్వాసం. అంతేకాకుండా తమలపాకులు విజయానికి చిహ్నం కూడా. ముఖ్యంగా తమలపాకులను శని దోష నివారణకు, శని భయాన్ని పోగొట్టడానికి, ప్రతికూల శక్తులను తొలగించడానికి సహాయపడుతుంది. అయితే.. శని దోష నివారణకు తమలపాకులతో పూజకు శనివారం సాయంత్రం అత్యంత అనుకూలంగా పండితులు చెబుతారు.

ఆ సమయంలో శుభ్రమైన చిరగని 11 తమలపాకులను తీసుకుని మంచి గంధంతో శ్రీరామ అనే నామాన్ని రాసి కర్పూరం, లవంగాలు ఉంచాలి. ఆ ఆకులను హనుమంతుడికి లేదా సాయంత్రం వేళ రావి చెట్టు కింద శనీశ్వరుడికి సమర్పించాలి. ఆ సమయంలో ఓం శం శనైశ్చరాయ నమః అనే మంత్రాన్ని పఠిస్తూ ఉండాలి. అలా పూజ ముగిసిన తర్వాత వెనుదిరిగి చూడకుండా ఇంటికి వచ్చేయాలి.