శాలరీ కోసం చేయడం లేదు..
నీతూ తన కోసం ఓ అసిస్టెంట్ కావాలని అందరినీ ఇంటర్వ్యూలు చేస్తుంది. అందులో ఒకామె రెండేళ్ల అనుభవం ఉండగానే యాభై వేలు కావాలని అడుగుతుంది. ఇదే విషయాన్ని రవికి చెబుతుంది. ఆమె అంత అడిగితే నేను ఎంత అడగాలి అని నువ్వు అనుకుంటున్నావ్ కదా రవి అని నీతూ అంటుంది. నేను డబ్బుల కోసం పని చేయడం లేదు.. అనుభవం కోసం చేస్తున్నా.. రెస్టారెంట్ ఎలా నడపాలో ఇక్కడ ఉండి తెలుసుకుంటున్నాను.. శాలరీ కోసం నేను పని చేయడం లేదు అని రవి అంటాడు. అందుకే నీ వర్క్ అంటే నాకు ఇష్టం అని నీతూ అంటుంది.

జాబ్ కోసం వచ్చిన శ్రుతి..
ఎంత మందిని చూసినా సరైన వ్యక్తి దొరకడం లేదని నీతూ అనుకుంటుంది. ఇంతలో శ్రుతి వస్తుంది. నేను జాబ్ కోసం వచ్చాను అని శ్రుతి అంటుంది. మరి నీ డబ్బింగ్ వర్క్ అని నీతూ అడుగుతుంది. ఇది పార్ట్ టైం కదా.. పైగా రవితో కాస్త టైం స్పెండ్ చేయొచ్చు అనే ఉద్దేశంతో వచ్చాను అని శ్రుతి అంటుంది. అది అసలు కారణం.. రవి కోసం వచ్చావ్ అన్న మాట అని నీతూ అంటుంది. అవును రవి ఎక్కువగా రెస్టారెంట్లోనే ఉంటున్నాడు.. ఈ మధ్య మాకు టైం గ్యాప్ వస్తోంది.. అందుకే జాబ్ చేయడానికి వచ్చాను అని శ్రుతి చెబుతుంది. దీంతో నీతూ ఓకే చెప్పేస్తుంది.

పప్పులో ఉప్పు కూడా వేయదు..

పప్పులో ఉప్పు కూడా వేయదు..
పూల దండను తీసుకు వచ్చి.. ఇంట్లో అందరినీ పిలుస్తాడు బాలు. ఈ పూల దండ అమ్మకి వేయాలి.. ఎంతో పెద్ద ఘన కార్యం చేసింది.. అందరూ చప్పట్లు కొట్టండని బాలు అంటాడు. ఏం జరిగింది అని ప్రభావతి, సత్యం ఇలా అందరూ ఆలోచిస్తుంటారు. పప్పులో ఉప్పు కూడా వేయదు.. ఎవరికి సాయం చేసింది.. అని రవి అంటాడు. ఎవరిని సాధించింది.. అదే ఏం సాధించింది అని శ్రుతి కౌంటర్లు వేస్తుంది. ఎందుకు అలా నాటకం ఆడారు అత్తయ్య అని మీనా అంటుంది. ఏం నాటకం అని ఏమీ తెలియని దానిలా అడుగుతుంది ప్రభావతి.

వెళ్లకుండా ఆపింది..
నీ కోడలు ఎదగడం నీకు ఇష్టం లేదా.. మేం బాగు పడటం నీకు ఇష్టం లేదా? ఎందుకు ఇలా చేశావ్ అని బాలు అంటాడు. చేయి బెణికింది అంటూ నాటకం ఆడింది.. ఉదయం నుంచి సేవలు చేయించుకుంటూనే వచ్చింది.. నా డెకరేషన్ పనులకు వెళ్లకుండా అడ్డుకుంది అని మీనా చెప్పుకుంటూ బాధపడింది. ఇదంతా ఎందుకు చేశావ్ అని బాలు నిలదీస్తాడు. అడుగుతున్నారు కదా.. చెప్పు అని సత్యం అంటాడు. అదంతా అబద్దం అండి అని ప్రభావతి బుకాయించే ప్రయత్నం చేస్తుంది. దీంతో మీనా ఉదయం జరిగిందంతా చెబుతుంది.

ఆడపిల్ల ఎదగడం మీకు ఇష్టం లేదా?
ఒక ఆడపిల్ల సొంతంగా ఎదగడం మీకు నచ్చడం లేదు.. చదువు లేకపోయినా తెలిసిన విద్యతో ఎదుగుతుంటే తట్టుకోలేకపోతోన్నారా.. ఎప్పటికీ మీ కాళ్ల కిందే ఉండాలని చూస్తున్నారా.. ఆ వంట గదికే పరిమితం అవ్వాలని చూస్తున్నారా.. ఎందుకు ఇలా చేశారు.. నేను మీకేం అన్యాయం చేశాను అని మీనా ఏడ్చేస్తుంది. కానీ ప్రభావతి మాత్రం నోరు విప్పదు. బాలు కూడా ప్రభావతిని నిలదీస్తాడు. కానీ ఒక్క మాట కూడా మాట్లాడకుండా ప్రభావతి అలా నిలబడి వింటూ ఉంటుంది. అమ్మ అలా ఎందుకు చేస్తుంది అని మనోజ్ అంటాడు.

ఆమె హస్తం ఉంది..
ఆవిడ కచ్చితంగా చేసి ఉంటారు.. మొదటి నుంచి ఆవిడ ఎన్ని పనులు చేశారో చెప్పాలా.. మీరు చేసిన ప్రతీ తప్పు వెనకాల ఆమె హస్తం ఉంది.. సీరియల్, సినిమాల్లో చూపించినట్టుగా ఇంతటి క్రూయల్, క్రిమినల్ థాట్స్ ఉన్న అత్తని నేను ఎక్కడా చూడలేదు అని శ్రుతి అంటుంది. వదిన ఎంతో కష్టపడి అన్నయ్యకి కార్లు కొనిచ్చింది.. ఫోన్ కొనిచ్చింది.. మెడలో పసుపుతాడుతో తిరుగుతోంది.. కష్టపడి ఎదుగుతుంటే ఓర్వలేకపోతోన్నావా? అమ్మా అని రవి కూడా తిడతాడు. అడుగుతున్నారు కదా.. మాట్లాడు అని సత్యం కూడా ప్రభావతిని నిలదీస్తాడు.

కట్టలు తెంచుకున్న ఆగ్రహం..
అవును మీనాని ఆపేందుకు అలా చేశాను.. మీ భాషలో చెప్పాలంటే నాటకం ఆడాను.. ఇది ఇంటి ముందు పూల దుకాణం పెట్టినప్పటి నుంచి బరువు, బాధ్యతల్ని మర్చిపోయింది.. ఇంటి పనులు చేయడం లేదు.. పూల గంప ఏసుకుని ఊర్ల మీదకు వెళ్తోంది.. ఇప్పుడు డెకరేషన్ పని అంటే పూర్తిగా వదిలేస్తుంది.. అందుకే ఆపాను అని ప్రభావతి తన కుళ్లుని బయట పెడుతుంది. దీంతో సత్యంకి పట్టరాని కోపం వస్తుంది. చేయి ఎత్తి ప్రభావతిని కొట్టాలని చూస్తాడు. కానీ ఛీ అని కొట్టకుండా ఆగిపోతాడు సత్యం. సత్యం ఆగ్రహం చూసి ప్రభావతి భయపడుతుంది.

గుణపాఠం చెప్పకుండా వదిలి పెట్టను
ఇంట్లోనే ఆపినా.. వంటింట్లోనే ఉన్నా కూడా మండపం దగ్గర డెకరేషన్ చేయించింది.. వీడిగయో కాల్‌లోనే అన్ని పనులు చేసేసింది.. మేనేజర్ మెప్పు కూడా పొందింది.. విజయం సాధించింది.. అని అంటాడు బాలు. దీంతో శ్రుతి, రవి చప్పట్లు కొడతారు. దీని వల్ల కొత్త అనుభవం ఏర్పడింది.. ఇదంతా అమ్మ వల్లే జరిగింది.. ఇంకో నాలుగు డెకరేషన్స్ ఒకేసారి వచ్చినా కూడా చేసేంత అనుభవం వచ్చింది.. ఈ విషయంలో అమ్మకి రుణపడి ఉంటాను.. కానీ రోజు చేసిన దానికి మాత్రం గుణపాఠం చెప్పకుండా వదిలి పెట్టను అని బాలు అంటాడు.