TSRTC Income : ఆర్టీసీకి రికార్డు స్థాయిలో ఆదాయం.… ఒక్క రోజే 51.74 లక్షల మంది ప్రయాణం

ఒక్క రోజే రాష్ట్ర వ్యాప్తంగా 51.74 లక్షల మంది

ఆర్టీసీ బస్సులో ప్రయాణం చేసినట్లుగా తెలంగాణ ఆర్టీసీ వర్గాలు వెల్లడించాయి.బస్ పాసులను మినహాయిస్తే….దాదాపు 48.5 లక్షల మంది ప్రయాణం చేసినట్లు ఆర్టీసీ అధికారులు తెలిపారు. ఇదిలా ఉంటే మొత్తం ప్రయాణికుల్లో 30.16 లక్షల మంది మహిళలే ఉండడం గమనార్హం. మహాలక్ష్మి పథకం ప్రారంభానికి ముందు మొత్తం ప్రయాణికుల్లో మహిళలు కేవలం 40 శాతం మాత్రమే ఉండగా…..ఇప్పుడు ఆ సంఖ్య 60 శాతానికి పెరిగినట్లు ఆర్టీసీ వర్గాలు చెబుతున్నాయి.ఇక సోమవారం ఒక్క రోజే ఆర్టీసీకి రూ.21.10 కోట్ల ఆదాయం వచ్చింది.

తెలంగాణ రాష్ట్ర వ్యాప్తంగా మూడు ఆర్టీసీ జొన్లలో సోమవారం బస్సులు 33.6 లక్షల కిలోమీటర్లు తిరిగాయి. అత్యధికంగా కరీంనగర్ జోన్ లో ఆర్టీసీ బస్సులు 14.49 లక్షల కిలోమీటర్లు తిరిగాయి.ఇక గ్రేటర్ హైదరాబాద్ జోన్ లో 10.93 లక్షల కిలోమీటర్లు తిరిగాయి. డిసెంబర్ 4న అత్యధికంగా 34.16 లక్షల కిలోమీటర్లు తిరుగగా ఆ రోజు రూ.21.04 కోట్లు ఆదాయం వచ్చింది.అయితే డిసెంబర్ 18న ( సోమవారం ) మొత్తం 33.36 లక్షల కిలోమీటర్లు మాత్రమే తిరిగినా ఆదాయం మాత్రం రూ.21.10 కోట్లు వచ్చింది.ఇక బస్సులో అకుపెన్సీ రేషియో 97.31 శాతానికి పెరిగినట్లు ఆర్టీసీ అధికారులు వెల్లడించారు.