Telangana Assembly Live News : ప్రొటెం స్పీకర్ గా అక్బరుద్దీన్ ఓవైసీ ప్రమాణస్వీకారం – కాసేపట్లో అసెంబ్లీ ప్రారంభం

ఈరోజు ఉదయం 9 గంటలకు తెలంగాణ భవన్​లో బీఆర్​ఎస్​ శాసనసభాపక్ష భేటీ జరగనుంది. ఈ సమావేశంలో భారత రాష్ట్ర సమితి శాసనసభాపక్ష నేతను ఎన్నుకోనున్నారు.

119 మంది సభ్యులకు గాను తెలంగాణ మూడో శాసనసభలో అధికార కాంగ్రెస్‌కు 64, మిత్రపక్షం సీపీఐకి ఒకరు చొప్పున ఎమ్మెల్యేల బలం ఉంది. బీఆర్‌ఎస్‌ 39, బీజేపీ 8, ఏఐఎంఐఎంకు 7 మంది సభ్యుల బలం ఉంది.

ఈసారి 51 మంది తొలిసారి అసెంబ్లీలో అడుగు పెట్టబోతున్నారు. వీరిలో ముగ్గురు మహిళలు కాగా, కరీంనగర్‌ జిల్లా నుంచి 8 మంది తొలిసారిగా ఎన్నికైన వారున్నారు. ఉమ్మడి మెదక్‌ జిల్లా నుంచి ఇద్దరు తొలిసారి అడు గు పెడుతున్నారు.

ఉదయం 11 గంటలకు తెలంగాణ అసెంబ్లీ సమావేశాలు ప్రారంభం కానున్నాయి. నూతనంగా ఎన్నికైన ఎమ్మెల్యేలతో నేడు ప్రమాణం చేయించనున్నారు ప్రోటెమ్ స్పీకర్ అక్బరుద్దీన్ ఒవైసీ.

ప్రొటెం స్పీకర్ కార్యక్రమానికి సీఎం రేవంత్ రెడ్డి, మాజీ స్పీకర్,పోచారం శ్రీనివాస్ రెడ్డి, మంత్రులు, మాజీ మంత్రులు, ఎమ్మెల్యేలు హాజరయ్యారు. అక్బరుద్దీన్ ఒవైసీ తో ప్రొటెం స్పీకర్ గా గవర్నర్ తమిళసై సౌందర రాజన్ ప్రమాణస్వీకారం చేయించారు.

ప్రొటెం స్పీకర్ గా అక్బరుద్దీన్ ఓవైసీ ప్రమాణస్వీకారం చేశారు. కాసేపట్లో అసెంబ్లీ ప్రారంభం కానుంది.