Gundeninda Gudigantalu Today మార్చి 26 ఎపిసోడ్: ‘మీనా లేదు ఇక రాదు..’ బాలు గుండె పగిలే వార్త! గుణను ఛీ కొట్టిన శివ..

నీ బావే ఇదంతా చేశాడురా..
గుణ.. శివ మనసు మార్చడానికి.. “అరేయ్ శివా.. ఈ వీడియో వైరల్ చేసింది నేను కాదురా, ఇది నీ బావ బాలు పనే! వాడే నీ వీడియోని బయటపెట్టాడు. ఇప్పటికైనా నాతో చేతులు కలిపితే నిన్ను ఈ గండం నుంచి గట్టెక్కిస్తాను” అని శివకి మాయమాటలు చెబుతాడు గుణ. ‘నా బావ ఎలాంటివాడో నాకు తెలుసు.. నీ మాటలు నేను ఇక నమ్మను’ అంటూ శివ మాత్రం గుణ మాటలకు లొంగకుండా, భయంతో అక్కడినుంచి వెళ్లిపోతాడు. మీనా తన కుటుంబం చక్కబడుతోందని, తమ్ముడు మారుతున్నాడని సంతోషపడుతున్న సమయంలో ప్రభావతి, రోహిణి అక్కడకు చేరుకుంటారు.

శివ దొంగతనం చూసి కుప్పకూలిన మీనా, పార్వతి
రోహిణి వీడియో ప్లే చేయగానే, శివ దొంగతనం చేయడం చూసి కుటుంబం అంతా షాక్ అవుతారు. వీడియో చూసిన ప్రభావతి తీవ్రంగా స్పందిస్తూ..’ఇందులో ఎవరి వాటా ఎంత? ఎవరు ఎంత తీసుకున్నారు?’ అంటూ అవమానకరంగా మాట్లాడుతుంది. ఈ మాటలు విన్న మీనా తల్లి పార్వతి తీవ్ర మనోవేదనతో కుప్పకూలుతుంది. మీనా తల్లి పార్వతి ఒక్కసారిగా కుప్పకూలిపోతుంది. తల్లి పార్వతి కన్నీళ్లు పెట్టుకుంటూ..రేయ్ శివ.. నీ నాన్న ఆత్మగౌరవం కోసం ప్రాణాలు ఇచ్చారురా.. నువ్వు ఇలా మా తలలు నరికేస్తావా? ఈ పాపం ఎవరికి చెందుతుందిరా?” అని బాధపడుతుంది

కమింగ్ అప్‌లో శివను పోలీస్ స్టేషన్‌కి లాక్కుని వెళ్తున్న ప్రభావతి..
మీనా ఏడుస్తూ శివను కొడుతూ “నీ కోసం.. నీ చదువు కోసం నేను ఎన్ని అవమానాలు పడ్డానో తెలుసా? మా జీవితాల్ని రోడ్డు మీద పడేశావు కదరా” అంటూ మీనా కన్నీళ్లు పెట్టుకుంటుంది. సుమతి కూడా ‘ఇంటి పరువు మొత్తం తీసేశావ్ కదరా’ అంటూ శివను బాధపడుతూ ఏడుస్తుంది. ఇంత జరిగినా ప్రభావతి కోపం మాత్రం చల్లారదు. ఇక కమింగ్ అప్‌లో ‘మీరంతా కలిసి వాడ్ని కొట్టేస్తే నేను ఊరుకుంటాను అనుకుంటున్నారా? ఇప్పుడు నేను ఏం చేస్తానో చూడండి’ అంటూ ప్రభావతి కోపంగా శివ కాలర్ పట్టుకుని.. ‘నడవరా పోలీస్ స్టేషన్‌కి’ అంటూ.. పోలీసులకు అప్పగిస్తానని ఈడ్చుకుంటూ బయటకు తీసుకెళ్తుంది’. వెనుకే మీనా, పార్వతమ్మ, సుమతి వెనుకే ఆగమని వేడుకుంటూ పరుగుతీస్తారు.

మీనా లేదు రాదు.. బాలు గుండె ముక్కలయ్యే వార్తలు..
మరోవైపు బాలు ఇంటికి చేరుకుంటాడు. ‘మీనా మీనా’ అంటూ వస్తాడు. ‘మీనా లేదు’ అంటాడు సత్యం బాధగా తల దించుకుని. ‘ఇక రాదు’ అంటుంది ప్రభావతి. బిత్తరపోతాడు బాలు. ‘ఏం చేశారు నా మీనాని’ అని అరుస్తాడు. అక్కడే ఉన్న మనోజ్.. ‘నువ్వు చూసే ఉంటావ్‌గా ఆ వీడియో.. శివ దొంగతనం వీడియో’ అని అనగానే బాలుకి గుండె ఆగినంత పని అవుతుంది. అప్పుడే ప్రభావతి కోపంగా.. ‘దొంగ కుటుంబం నుంచి కోడల్ని తెచ్చుకున్నాను అనే అపవాదు నా కుటుంబానికి వద్దు.. ఆ మీనా ఈ ఇంటికి రావడానికి వీల్లేదు’ అని ప్రభావతి కోపంగా మాటలు అనేస్తుంది. పాపం బాలు ఎంత ఆశగా వచ్చిన బాలుకి మీనా లేదు రాదు అనే వార్తలు షాక్‌కి గురి చేస్తాయి. శివపై పోలీస్ కేసు పెట్టారా? మీనా ఎలాంటి కఠిన నిర్ణయాలు తీసుకుంది లాంటివన్నీ రేపటి ఎపిసోడ్‌లో చూడాల్సిందే.