Bigg Boss Today episode: భరణితో బాండ్ వెనుక సీక్రెట్ ఇదే.. మొత్తం బయటపెట్టిన దివ్య మదర్.. 15 నిమిషాల పవర్‌ ‘హౌస్’ ఇది

బిగ్‌బాస్ సీజన్-9లో ఇప్పటివరకూ టెలికాస్ట్ అయిన ఎపిసోడ్స్‌లో ఇది ఒన్ ఆఫ్ ది బెస్ట్ ఎపిసోడ్ అవుతుంది. దీనికి ముఖ్య కారణం దివ్య వాళ్ల అమ్మ. అవును ఫ్యామిలీ వీక్‌లో భాగంగా హౌస్‌లోకి వచ్చిన దివ్య తల్లి శ్రీలక్ష్మి.. డీలా పడిపోయిన హౌస్‌మేట్స్ అందరికీ ఫుల్ ఛార్జ్ ఇచ్చి వెళ్లారు. ఆవిడ మాట తీరు, కామెడీ, ఎమోషన్స్ ఇలా ప్రతిదీ ఆడియన్స్‌ గుండెల్ని తాకాయి. మరి అంతలా ఆమె ఏం మాట్లాడారు ఏం చెప్పారో చూద్దాం.
హైలైట్:

భరణితో బాండ్ వెనుక సీక్రెట్ ఇదే.. మొత్తం బయటపెట్టిన దివ్య మదర్.. 15 నిమిషాల పవర్‌ ‘హౌస్’
బిగ్‌బాస్ సీజన్-9 ఫ్యామిలీ వీక్‌లో ఇప్పటివరకూ వచ్చిన ఎపిసోడ్స్‌లో ఇదే హైలెట్. ముఖ్యంగా ఈరోజు ఎపిసోడ్‌లో దివ్య తల్లి శ్రీలక్ష్మి హౌస్‌లోకి వచ్చారు. ఆమె వచ్చినప్పుడు ఇల్లు ఎంత సైలెంట్‌గా ఉందో ఆవిడ తిరిగి హౌస్‌ నుంచి బయటికివెళ్లేటప్పుడు ఫుల్ అరుపులు, కేకలు, ఎనర్జీతో నిండిపోయింది. అంతలా అందరినీ ఎంటర్‌టైన్ చేశారు దివ్య తల్లి.

సంజన ఫ్యామిలీ ఎంట్రీ.. ఇమ్మూకి ఉమ్మా ఇచ్చిన బుడ్డోడు.. భర్త మాటలకి బుర్రపాడు
దివ్య వాళ్ల అమ్మ సూపరో సూపర్.. తనూజ నా పెద్ద కూతురు.. భరణి గురించి చెప్తూ కంటతడి
ఫ్యామిలీ వీక్‌లోనూ ఫేవరిటిజం.. తనూజకి డైరెక్ట్‌గా జాక్‌పాట్.. ఆమెతో జాగ్రత్త అంటూ సుమన్ శెట్టి భార్య వార్నింగ్
తెలంగాణకు మరో తుపాను ముప్పు.. ‘మెంథా’ మాదిరిగానే, ఈ జిల్లాల్లో వర్షాలకు ఛాన్స్
హౌస్‌లోకి రాగానే దివ్యతో తప్ప అందరితోనూ మాట్లాడి.. అందరినీ దగ్గరికి తీసుకొని చాలా బాగా పలకరించారు శ్రీలక్ష్మి. ఇక నెక్స్ట్ అందరినీ లివింగ్ రూమ్‌లో కూర్చోబెట్టి చేతిలో కాఫీ కప్పు పట్టుకొని సరదాగా మంచి విషయాలు మాట్లాడారు. ఒక మనిషి ఎప్పుడూ తన క్యారెక్టర్ మార్చుకోలేడు.. అలా మార్చుకుంటే అది టెంపరెరీయే.. అది మార్చుకోవద్దు.. ఒరిజినల్ ఒరిజినల్‌గా అలానే ఉంచండి.. ఎవరైనా వస్తారు.. ఏదో చెప్తారు.. అవన్నీ ఆలోచిస్తే మీకు ముుందుకెళ్లాలో తెలీదు వెనక్కి రావాలో తెలీదు.. ఆ ఇన్‌పుట్స్ ఏం వద్దు అసలు.. మీరు ఎలా ఉన్నారో అలా ముందుకెళ్లిపోండి.. మీ రాత ఎలా ఉంటే అలా జరుగుతుంది.. అంటూ అందరికీ సలహా ఇచ్చారు.

భరణి కంటతడి
నెక్స్ట్ తన లైఫ్‌లో జరిగిన ఒక విషాదం గురించి ఆమె పంచుకున్నారు. “నాకు ఒక బ్రదర్ ఉన్నాడు.. తను ఈ ఒత్తిడి తట్టుకోలేక చదువులో అందరూ ముందుకెళ్లిపోతున్నారు నేను వెళ్లలేకపోతున్నానని చెప్పి.. 25 ఏళ్ల క్రితం తను ఆత్మహత్య చేసుకున్నాడు.. అప్పుడు నాది కూడా చిన్న వయసే.. అప్పుడే పెళ్లయిన కొత్త.. ఆ ట్రోమా నాకు అలానే ఉండిపోయింది.. ఎందుకంటే నా అన్నయ్య నాతో పాటు కలిసి తిరిగాడు.. మా అన్నయ్య ఎప్పుడు చూసినా నాకు గుర్తొస్తూనే ఉండేవాడు.. ఇప్పటికీ కూడా అంతే..

అయితే నేను టీవీలో ఒక పర్సన్‌ని (భరణి) చూశా.. ఆ ఒక్క వ్యక్తే నాకు నిజంగా అన్నయ్యలా అనిపించాడు.. నేను దివ్యకి చెప్పా.. నిజంగా చెప్పాలంటే ఒక్క అన్నయ్య ఫీలింగ్ కావాలంటే ఇతను ఒక్కడిలో ఉన్నాయి.. అంటే నాకు బ్రదర్ అయ్యే ఫీలింగ్.. ఆయన సినిమాలు, సీరియల్స్ చేస్తారని నాకు అంతగా తెలీదు.. నేను దివ్యతో చెప్పా అప్పుడు.. నువ్వు ఏమైనా మాట్లాడాలంటే నాకు బ్రదర్ ఫీలింగ్ ఉంది.. నువ్వు నా బ్రదర్‌ని మామా మామా అని పిలవలేవు కదా లోపలికెళ్లి.. అందుకే నువ్వు బ్రదర్ అని పిలిస్తే నేను బ్రదర్ అని పిలిచినట్లు ఫీలింగ్.. నువ్వు అట్లనే భరణి గారిని అన్నయ్య అని పిలిచి నా కోరిక తీర్చు అని చెప్పా..” అంటూ శ్రీలక్ష్మి ఎమోషనల్ అయ్యారు.

ఈ మాటలకి భరణి కూడా భావోద్వేగానికి గురై వెళ్లి ఆమెని దగ్గరికి తీసుకొని కంటతడి పెట్టుకున్నాడు. “అతనే నా బ్రదర్ అని మెంటల్‌గా నా మైండ్‌లో ఉండిపోయింది.. తనకి (దివ్య) తెలుసు ఆ విషయం.. మా అన్నయ్య గుర్తొచ్చినప్పుడల్లా ఒకే ఒక్క మనిషి అంతే.. అది అందరూ అవ్వరు.. ఎందుకంటే ఆ క్వాలిటీస్ ఉన్న వ్యక్తి అతను ఒక్కడే.. చూసిన ప్రతి రోజూ అదే చెప్పేదాన్ని అచ్చం మా అన్నయ్యలా ఉన్నాడని.. అది మైండ్‌లో ఉంది దివ్యకి.. అందుకే ఎవరినైనా బ్రదర్ అని అందా ఈ హౌస్‌లో.. తను భరణి గారిని బ్రదర్ అని పిలవడానికి రీజన్ అదే..నేను చెప్పిన ప్రకారమే పిలిచింది.. నేను ఏం చెప్తే అది ఫాలో అయింది..” అంటూ దివ్య తల్లి చెప్పుకొచ్చారు.

ఆ తర్వాత ఇంట్లో ఉన్న ప్రతి ఒక్కరి గురించి తనదైన స్టయిల్లో నవ్వుతూ పంచులు వేశారు శ్రీలక్ష్మి. తనూజ నా పెద్ద కూతురు లాంటిది.. మన చేతిలో నుంచి బాధ్యతతో పాటు అన్నీ లాగేసుకుటుంది కానీ తీసుకున్నట్లు కూడా మనకి తెలీదు అంటూ పంచుల మీద పంచులేశారు. ఇమ్మానుయేల్ అందరివాడు.. ఒక నియోజకవర్గానికి చెందినవాడు కాదు.. అలానే రీతూ-డీమాన్ ట్రాక్ చూసి అసలు వీళ్లు బిగ్‌బాస్ తర్వాత కూడా ఇలానే ఉంటారా లేక బైబై చెప్పుకుంటారా అని డౌట్ ఉంది అంటూ తెగ నవ్వించారు.

ఇలా హౌస్‌లో ఆమె ఉన్న 15 నిమిషాలు ప్రతి ఒక్కరూ ఫుల్ నవ్వుతూనే ఉన్నారు. నిజానికి వాళ్ల ఫ్యామిలీ వచ్చినప్పుడు కూడా అందరూ అంత ఎంజాయ చేయలేదేమో అన్నట్లుగా ఈ ఎపిసోడ్ సాగింది. ముఖ్యంగా ఆడియన్స్‌కి అయితే శ్రీలక్ష్మి గారి మాటలు చాలా బాగా కనెక్ట్ అయ్యాయి.