Aata Dance Show Promo: ఏ హీరో కూడా ఇలా చేయడం నేను చూడలేదు.. ఆట షోలో రాధిక కామెంట్స్

Aata Dance Show Promo: ఏ హీరో కూడా ఇలా చేయడం నేను చూడలేదు.. ఆట షోలో రాధిక కామెంట్స్

సుడిగాలి సుధీర్ హోస్టుగా జీ తెలుగులో ప్రసారమవుతున్న ఆట డ్యాన్స్ షో ఆడియన్స్‌ని ఫిదా చేస్తుంది. నిజానికి ఒకప్పుడు ఆట షోకి ఎంత బ్రాండ్ నేమ్ ఉండేదో అందరికీ తెలిసిందే. అదే పేరుతో ఇప్పుడు నిహారిక కొణిదెల ప్రొడ్యూస్ చేస్తున్న ఈ షో కూడా అదరగొడుతుంది. నటి రాధిక, రఘు మాస్టర్, నిహారిక ఈ షోకి జడ్జీలుగా ఉన్నారు. ఇందులో ఉన్న కంటెస్టెంట్లు అయితే తమ పెర్ఫామెన్స్‌లతో అందరినీ సర్‌ప్రైజ్ చేస్తున్నారు.

Aata Dance Show Promo

ఏ హీరో కూడా ఇలా చేయడం నేను చూడలేదు.. ఆట షో రాధిక కామెంట్స్
నిహారిక కొణిదెల అటు సినీ నిర్మాతగానే కాకుండా ఇటు బుల్లితెరపై కూడా తన మార్క్ చూపిస్తుంది. ఇటీవలే జీ తెలుగులో మొదలైన ఆట డ్యాన్స్ షోకి నిహారికనే ప్రొడ్యూసర్. నిర్మాతగానే కాకుండా ఈ షోకి జడ్జీగా కూడా ఆమె ఉన్నారు. నిహారికతో పాటు నటి రాధిక, రఘు మాస్టర్ ఈ షోకి జడ్జీలుగా ఉన్నారు. ముఖ్యంగా సుడిగాలి సుధీర్ షోకి హోస్టు కావడంతో ఎంటర్‌టైన్‌మెంట్‌కి ఢోకా లేదు.

సుధీర్‌తో పాటు బుల్లితెర స్టార్లు అయిన విష్ణుప్రియ, కావ్యశ్రీ ఈ షోకి మెంటార్లుగా ఉన్నారు. అలానే సమీరా భరద్వాజ్, వంశీ కూడా మెంటార్లుగా ఉన్నారు. కొత్త కంటెస్టెంట్లతో నడుస్తున్న ఈ షోలో ఇప్పటివరకూ ప్రతి ఎపిసోడ్‌లోనూ డ్యాన్స్ పరంగా అయితే ఇచ్చిపడేశారు. అలానే సుధీర్‌తో మిగిలిన మెంటార్లు చేసే ఎంటర్‌టైన్‌మెంట్ ట్రాక్ కూడా బాగానే నడుస్తుంది. ఇక లేటెస్ట్ ఎపిసోడ్ ప్రోమోని వదిలారు.

ఇందులో స్నేహ అనే కంటెస్టెంట్ చేసిన పెర్ఫామెన్స్‌కి జడ్జీలకి గూస్ బంప్స్ వచ్చాయి. నాని నటిస్తున్న ది ప్యారజైజ్ సినిమా నుంచి ఇటీవల రిలీజ్ అయిన ‘ఆయా షేర్’ సాంగ్‌కి స్నేహ డ్యాన్స్ చేసింది. నాని ఈ సినిమాలో కనిపిస్తున్న జడల్ లుక్‌లో స్నేహ అదే మేనరిజం, ఎనర్జీతో స్టేజ్ మీద కనిపించింది. ముఖ్యంగా ఆమె వేసిన స్టెప్పులు, ఫ్లిప్స్ చూసి జడ్జీలు అవాక్కయ్యారు.

ఏ హీరోని చూడలేదు
నీ ఎనర్జీ, ఎక్స్‌ప్రెషన్స్ అన్నీ ఫెంటాస్టిక్.. ఇలాంటి స్టెప్పులు ఏ హీరో కూడా చేయడం నేను చూడలేదు.. అంటూ రాధిక తన అభిప్రాయం చెప్పారు. నిహారిక అయితే ఆమె డ్యాన్స్ చేస్తున్నంత సేపు ఆశ్చర్యపోతూనే ఉన్నారు. అద్భుతమైన పెర్ఫామెన్స్.. అంటూ రఘు మాస్టర్ కూడా మెచ్చుకున్నారు.

మొత్తానికి ఆట షో అయితే ఆడియన్స్‌కి బాగానే కనెక్ట్ అయింది. సుడిగాలి సుధీర్ అయితే వరుస షోలతో ఫుల్ బిజీగా ఉన్నాడు. ఈటీవీలో జబర్దస్త్, శ్రీదేవి డ్రామా కంపెనీ షోలు చేసిన తర్వాత సుధీర్ కొన్ని సినిమాలు చేశాడు. నెక్స్ట్ జీ తెలుగు, ఆహా ఓటీటీలో షోలు చేస్తూ బిజీగా ఉన్నాడు. ముఖ్యంగా జీ తెలుగులో సరిగమప, డ్రామా జూనియర్స్, ఆట ఇలా వరుసగా షోలు చేస్తున్నాడు. ఆహాలో సర్కార్ లేటెస్ట్ సీజన్ కూడా సుధీర్‌యే హోస్టుగా ఉన్నాడు.

ఈ షోలతో పాటు సుధీర్ హీరోగా రెండు మూడు సినిమాలు కూడా లైన్‌లో ఉన్నాయి. అందులో గోట్ సినిమా రిలీజ్‌కి రెడీ అయింది. అలానే పాన్ ఇండియా సినిమా కూడా ఒకటి ఇటీవలే మొదలైంది. ఇలా అటు బుల్లితెర ఇటు వెండితెర రెండింటిని మేనేజ్ చేస్తున్నాడు సుధీర్.