కలర్ వాడకుండానే తెల్లజుట్టుని నల్లగా మార్చుకోండి, నల్ల నువ్వులతో ఇప్పుడు చెప్పినట్లు చేస్తే తెల్లజుట్టు నల్లగా మారుతుంది

జుట్టు తెల్లబడగానే బాబోయ్ వయసు పెరిగినట్లుగా కనిపిస్తామని చాలా మంది అదో దిగులుగా ముఖం పెడతారు. ముందుకాలంలో వయసు పెరిగిన వారి జుట్టు మాత్రమే తెల్లగా మారేది. ఇప్పుడున్న పరిస్థితుల్లో చిన్నవయసు వారికి కూడా జుట్టు తెల్లబడుతుంది. దీనిని కవర్ చేయడానికి పడరాని పాట్లు పడుతున్నారు. అందులో కలర్ వేయడం దగ్గర్నుంచీ, బ్లాక్ హెన్నా, జెల్స్ అంటూ ఏవేవో పదార్థాలపై ఆధారపడుతున్నారు. అలాంటి వాటి వల్ల సైడ్ ఎఫెక్ట్స్ ఉంటాయి. అలా కాకుండా ఏం చేస్తే తెల్లజుట్టు నల్లగా మారుతుందో తెలుసుకోండి.

ఇంట్లోని పదార్థాలతో మనం ఒంట్లోని సమస్యల్ని దూరం చేయడం దగ్గర్నుంచీ అందాన్ని కూడా మెరుగుపరుచుకోవచ్చు. తెల్లజుట్టు నల్లగా మారేందుకు కూడా పరిష్కారం ఎక్కడో లేదు మన ఇంట్లోనే ఉంది. మన ఇంట్లో దొరికే చాలా పదార్థాలతోనే తెల్లజుట్టుని చక్కగా నల్లగా మార్చుకోవచ్చు. దీనికోసం ఫ్యాన్సీ టిప్స్ అవసరం లేదు. ఓ పదార్థాలు ఉంటే సరిపోతుంది. దీని గురించి ఆయుర్వేద ఎక్స్‌పర్ట్ ఇన్‌స్టాలో ఓ వీడియోని షేర్ చేశారు. ఆమె ప్రకారం ఏం చేస్తే తెల్లజుట్టు నల్లగా మారుతుందో తెలుసుకుందాం.

కావాల్సిన పదార్థాలు

​నల్లనువ్వులు అరకప్పు​
గ్లాస్ కంటైనర్
మొలాసెస్ 2 టేబుల్ స్పూన్లు(ఇది మనకి సూపర్ మార్కెట్‌, ఆన్‌లైన్ దొరుకుతుంది)
ఉసిరిపొడి 1 టేబుల్ స్పూన్
యాలకులు ఫ్లేవర్ కోసం

ఏం చేయాలి?

ముందుగా నల్లనువ్వుల్ని కొద్దిగా డ్రై రోస్ట్ చేయాలి.
వీటిని బ్లెండర్‌లో వేసి బ్లెండ్ చేయాలి.
దీనిని చల్లారక గ్లాస్ కంటైనర్‌లో వేయాలి.
అందులోనే ఉసిరిపొడి వేయాలి. ​
ఇందులో ఇప్పుడు మొలాసెస్ వేయాలి.
బాగా కలిపి స్టోర్ చేసి పెట్టుకోవాలి.
మీకు నచ్చితే ఓ యాలకుల్నినలగ్గొట్టి వేయండి. దీని వల్ల టేస్ట్ బాగుంటుంది. ​

ఏం చేయాలి?

ఇలా తయారైన మిశ్రమాన్ని స్టోర్ చేసుకోండి. దీనిని రోజుకి 1 నుంచి 2 టేబుల్ స్పూన్ పరిమాణంలో తీసుకోవాలి. ఉదయం లేదా స్నాక్ టైమ్‌లో తీసుకోండి. నేరుగా తీసుకోవడం వల్ల లోపలి నుంచి మనకి పోషకాలు అందుతాయి. ఇందులో కలిపిన పోషకాలన్నీ జుట్టు తెల్లబడడాన్ని తగ్గిస్తాయి. రెగ్యులర్‌గా తీసుకుంటే మీకు కొన్నిరోజుల్లోనే రిజల్ట్స్ కనిపిస్తాయి.

నల్లనువ్వులతో లాభాలు
నల్లనువ్వుల్లో కాపర్, జింక్‌లు ఎక్కువగా ఉంటాయి. ఈ పోషకాలు మెలనిన్ ప్రొడక్షన్‌ని పెంచుతాయి. దీని వల్ల హెయిర్ కలర్ నల్లగా మారడానికి హెల్ప్ అవుతుంది. అంతేకాకుండా కాకుండా కాపర్ కూడా మెలనిన్‌ని అబ్జార్బ్ అవ్వడానికి హెల్ప్ అవుతుంది. జింక్ మొత్తం జుట్టు ఆరోగ్యాన్ని కాపాడుతుంది. ఇందులోని యాంటీ ఆక్సిడెంట్స్ కుదుళ్ళని ఆక్సీకరణ ఒత్తిడి నుంచి కాపాడి జుట్టు తెల్లబడకుండా కాపాడతాయి.

ఉసిరిపొడి
ఉసిరిపొడిలో ఎక్కువగా మొత్తంలో విటమిన్ సి ఉంటుంది. ఇదో రకమైన యాంటీ ఆక్సిడెంట్ ఇది ఫ్రీరాడికల్స్ నుండి జుట్టుని కాపాడి ఆక్సిడేటివ్ స్ట్రెస్‌ని తగ్గిస్తాయి. దీని వల్ల జుట్టు తెల్లబడదు. టానిన్స్, పాలీఫెనాల్స్ యాంటీ ఇన్‌ఫ్లమేటరీ, యాంటీ ఆక్సిడెంట్ గుణాలని కలిగి మొత్తం జుట్టు ఆరోగ్యాన్ని కాపాడి మంచి నేచురల్ కలర్‌ని అందిస్తాయి.

మొలాసెస్‌తో బెనిఫిట్స్
మొలాసెస్‌లో ఐరన్, ఇతర మినరల్స్ ఉంటాయి. ఇవి జుట్టుని ఆరోగ్యకరంగా చేస్తాయి. అంతేకాకుండా, ఇందులోని గుణాలు అనీమియా రాకుండా చేస్తాయి. దీంతో జుట్టు రాలకుండా ఉండడమే కాకుండా జుట్టుని నేచురల్‌గానే నల్లగా మారుస్తాయి. ఇందులోని బి విటమిన్ జుట్టు ఆరోగ్యాన్ని కాపాడి తెల్లజుట్టు రాకుండా చేస్తాయి.
జుట్టు ఆరోగ్యాన్ని కాపాడడంలో ఈ పదార్థాలను శతాబ్ధాలుగా సాంప్రదాయ వైద్యంలో వాడుతున్నారు. వీటి వల్ల ఎలాంటి సైడ్ ఎఫెక్ట్స్ ఉండవు. కాబట్టి, హ్యాపీగా వీటిని వాడొచ్చు.

గమనిక​
ఇది సాధారణ సమాచారం కోసం మాత్రమే. ఇది ఏ విధంగానూ ఏ మెడిసిన్ లేదా చికిత్సకు ప్రత్యామ్నాయం కాదు. వీటిని పాటించేముందు మరింత సమాచారం కోసం ఎల్లప్పుడూ మీ వైద్యుడిని సంప్రదించండి. తెలుగు సమయం ఈ విషయాల్ని ధృవీకరించడం లేదు. ఖచ్చితత్వం, ప్రభావానికి తెలుగు సమయం బాధ్యత వహించదు.​​