Lemon Rice Tips: లెమన్ రైస్ చేదు వస్తోందా? ఈ షెఫ్ చెబుతున్న 3 టిప్స్ పాటిస్తే రుచి అదిరిపోద్ది!

దక్షిణ భారతదేశంలో అత్యంత ఆదరణ పొందిన వంటకం ‘లెమన్ రైస్’. దీన్నే నిమ్మకాయ పులిహోరగా తెలుగు రాష్ట్రాల్లో అత్యధికంగా ఇష్టపడుతుంటారు. దీని తయారీ చూడటానికి చాలా సులభంగా అనిపించినా, చాలా మంది చేసే చిన్న చిన్న పొరపాట్ల వల్ల ఇది చేదుగా మారుతుంది లేదా అన్నం గట్టిగా అయిపోతుంది. సెలబ్రిటీ షెఫ్ రణవీర్ బ్రార్ తన తాజా ఇన్‌స్టాగ్రామ్ రీల్‌లో లెమన్ రైస్‌ను పర్ఫెక్ట్‌గా ఎలా తయారు చేయాలో మూడు స్మార్ట్ టిప్స్ పంచుకున్నారు.

Lemon Rice Tips: లెమన్ రైస్ చేదు వస్తోందా? ఈ షెఫ్ చెబుతున్న 3 టిప్స్ పాటిస్తే రుచి అదిరిపోద్ది!

అన్నం మెత్తగా ఉండటంతో పాటు, నిమ్మకాయ పులుపు మరియు పోపు దినుసుల సువాసన సరిగ్గా కుదరాలంటే మ్యానిప్యులేషన్ చాలా ముఖ్యం. నిమ్మరసం కలిపేటప్పుడు తీసుకోవాల్సిన జాగ్రత్తల నుండి, దీనికి ఏ సైడ్ డిష్ బాగుంటుందనే వరకు రణవీర్ బ్రార్ వివరించిన ఆసక్తికర విషయాలు ఇప్పుడు చూద్దాం. ఈ చిట్కాలను పాటిస్తే మీ ఇంటి లెమన్ రైస్ కూడా రెస్టారెంట్ స్టైల్‌లో అదిరిపోతుంది.

ఎక్కువగా ఫ్రై చేయకండి: మనం చేసేది ‘ఫ్రైడ్ రైస్’ కాదు కాబట్టి, అన్నం వేసిన తర్వాత నూనెలో మరీ ఎక్కువగా వేయించకూడదు. అలా చేస్తే అన్నం గట్టిగా మారుతుంది. అన్నం వేసిన తర్వాత కొద్దిగా నీటి చుక్కలను చల్లి, ‘దమ్’ లాగా చేస్తే అన్నం పొడిపొడిగా, మృదువుగా ఉంటుంది.

నీళ్లు, నిమ్మరసం : నిమ్మరసం కలిపిన వెంటనే కొద్దిగా నీళ్లు కలపాలి. లేదా అన్నం కొంచెం చల్లారిన తర్వాత (గది ఉష్ణోగ్రత వద్ద) నిమ్మరసం కలపాలి. వేడి వేడి అన్నం లేదా మరుగుతున్న పోపులో నిమ్మరసం వేస్తే అది ఆవిరైపోయి చేదు రుచి వచ్చే అవకాశం ఉంటుంది.

సరైన కాంబినేషన్ : లెమన్ రైస్‌ను కొబ్బరి పాలు లేదా కొబ్బరి తురుముతో చేసే గ్రేవీ కూరలతో తింటే అద్భుతంగా ఉంటుంది. నిమ్మకాయ పులుపుకు, కొబ్బరిలోని క్రీమీ రుచి తోడై ఒక ప్రత్యేకమైన అనుభూతిని ఇస్తుంది.

రెస్టారెంట్ స్టైల్ లెమన్ రైస్ తయారీకి కావలసినవి: నువ్వుల నూనె, ఆవాలు, మినప్పప్పు, శనగపప్పు, కరివేపాకు, ఎండుమిర్చి, పచ్చిమిర్చి, జీడిపప్పు, వేరుశెనగ గుళ్లు, పసుపు, ఉప్పు, నిమ్మరసం, అన్నం.