Gatte Ka Pulao: రాజస్థానీ స్పెషల్ వంటకం గట్టే కా పులావ్.. సింపుల్‌గా వండేయొచ్చు..

గట్టే కా పులావ్ తయారీకి కావాల్సిన పదార్థాలు:

1 కప్పు శనగపిండి

పావు చెంచా వాము

అరచెంచా కారం

అరచెంచా ధనియాల పొడి

2 చెంచాల పెరుగు

1 చెంచా వంటనూనె

తగినంత ఉప్పు

1 కప్పు బియ్యం

1 చెంచా నెయ్యి

1 ఉల్లిపాయ, ముక్కలు

1 టమాటా, ముక్కలు

పావు కప్పు బటానీ

అరచెంచా జీలకర్ర

4 పచ్చిమిర్చి

2 ఎండుమిర్చి

అరచెంచా పసుపు

1 చెంచా కారం

1 బిర్యానీ ఆకు

3 లవంగాలు

అంగుళం దాల్చిన చెక్క ముక్క

సగం చెంచా గరం మసాలా

కొద్దిగా కొత్తిమీర తరుగు

గట్టే కా పులావ్ తయారీ విధానం:

1. ఒక పెద్ద గిన్నెలో శనగపిండి, పసుపు, కారం, ఉప్పు, ధనియాల పొడి, పెరుగు, నూనె వేసుకోవాలి. దీన్ని కొద్ది కొద్దిగా నీళ్లు పోసుకుంటూ గట్టి పిండిలా కలుపుకోవాలి.
2. ఈ పిండిని సమబాగాలుగా చేసుకుని మందంగా, పొడవుగా సిలిండ్రికల్ ఆకారంలో పిండిని తాల్చుకోవాలి.
3. ఇప్పుడు ఒక గిన్నెలో నీళ్లు పోసుకుని మరిగాక వీటిని వేసుకోవాలి. ఒక పదినుంచి పదిహేను నిమిషాల పాటూ వీటిని ఉడకనివ్వాలి.
4. అవి ఉడికి పోగానే నీళ్ల నుంచి బయటికి తీసి చిన్న చిన్న ముక్కలుగా కట్ చేసుకోవాలి. వీటిని గట్టే అంటాం. ఇప్పుడు పులావ్ రెడీ చేసుకోవాలి.
5. ఒక కడాయి పెట్టుకుని వేడెక్కాక నెయ్యి వేసుకోవాలి. అది వేడెక్కాక జీలకర్ర, లవంగాలు, యాలకులు, పచ్చిమిర్చి, ఎండుమిర్చి, అల్లం వేసుకుని వేగనివ్వాలి.
6. ఇప్పుడు ఉల్లిపాయ ముక్కలు, బటానీ కూడా వేసుకుని కాస్త రంగు మారేదాకా వేయించుకోవాలి. టమాటా ముక్కలు కూడా వేసుకుని మెత్తబడేదాకా మూత పెట్టుకోవాలి.
7. ఇప్పుడు ఉడికించుకున్న అన్నం, కారం, పసుపు, గరం మసాలా, ఉప్పు వేసుకుని బాగా కలుపుకోవాలి.
8. చివరగా కట్ చేసి పక్కన పెట్టుకున్న గట్టే కూడా వేసుకుని కనీసం పది నిమిషాలు మూత పెట్టుకుని మగ్గనివ్వాలి. కొత్తిమీర చల్లుకుని దించేసుకుంటే సరి. గట్టే కా పులావ్ రెడీ అయినట్లే.