రిపోర్టర్ ప్రశ్నకు మల్లారెడ్డి మాస్ ఆన్సర్.. మల్లన్నతోని మామూలుగా ఉండదు మరి..!

Political News
reddys talk
January 27, 2024
0
255
3 minutes read

Malla Reddy on Party Changing: మల్కాజిగిరి ఎమ్మెల్యే, మాజీ మంత్రి మల్లారెడ్డి ఏం మాట్లాడినా సోషల్ మీడియాలో వైరల్ అవటం సర్వసాధారణమైపోయింది. ఆయన సాధారణంగా అన్న మాట కూడా.. వైరల్ అయిపోయి ట్రెండింగ్ అవుతోంది. అట్లుంటది మరి మల్లన్నతోని. తాజాగా.. రిపబ్లిక్ వేడుకల్లో పాల్గొని వెళ్లిపోతున్న మల్లారెడ్డిని ఓ రిపోర్టర్ అడిగిన ప్రశ్నకు.. తనదైన స్టైల్‌లో చెప్పిన ఆన్సర్ ఇప్పుడు సోషల్ మీడియాలో వైరల్ అవుతోంది.

Malla Reddy Counter To Reporter: బీఆర్ఎస్ ఎమ్మెల్యే, మాజీ మంత్రి మల్లారెడ్డి.. ఏం చేసినా, ఏం మాట్లాడినా వైరల్ కావాల్సిందే. అప్పుడెప్పుడో అసెంబ్లీలో పాలమ్మినా పూలమ్మినా అని మొదలుపెట్టిన మల్లారెడ్డి.. అప్పటి నుంచి సోషల్ మీడియాలో ఓ రేంజ్‌లో ట్రెండింగ్ అవుతున్నారు. అయితే.. కేసీఆర్ ప్రభుత్వంలో ఫుల్ స్వింగ్‌లో ఉన్న మల్లారెడ్డి.. అసెంబ్లీ ఎన్నికల ప్రచారంలోనూ అదే జోష్ కంటిన్యూ చేశారు. ఇక.. బీఆర్ఎస్ ఓడిపోవటంతో కాస్త సైలెంట్ అయిన మల్లారెడ్డి.. మళ్లీ ఈ మధ్య తనదైన మార్క్ చూపిస్తూ ట్రెండింగ్‌‌లోకి వచ్చారు. కార్పొరేటర్లతో కలిసి గోవా, దుబాయ్ టూర్లు వేసిన మల్లారెడ్డి.. అక్కడ చేసిన ఆయన చేసిన ఎంజాయ్ మెంట్‌తో మరోసారి వార్తల్లోకి వచ్చారు. అయితే.. ఈరోజు రిపబ్లిక్ డే సందర్భంగా.. వేడుకల్లో పాల్గొన్న మల్లారెడ్డిని ఓ రిపోర్టర్ ప్రశ్న అడగ్గా.. తన స్టైల్‌లో ఆన్సర్ ఇచ్చి అందరి ముఖాల్లో నవ్వులు పూయించారు.

గణతంత్ర దినోత్సవం సందర్భంగా మేడ్చల్ మున్సిపల్ కార్యాలయంలో ఏర్పాటు చేసిన వేడుకల్లో మల్లారెడ్డి పాల్గొన్నారు. అనంతరం.. మీడియాతో మాట్లాడుతూ తెలంగాణ ప్రజలందరికీ గణతంత్ర దినోత్సవ శుభాకాంక్షలు తెలిపారు. ఇదే క్రమంలో.. పార్టీ మారుతున్నట్టు వస్తున్న వార్తలపై మల్లారెడ్డిని ఓ రిపోర్టర్ ప్రశ్న అడిగారు. “మల్లారెడ్డి పార్టీ మారుతున్నారని.. బీఆర్ఎస్ వీడి బీజేపీలో చేరబోతున్నారని వార్తలు వస్తున్నాయి కదా.. అది నిజమేనా.. దీనిపై మీ స్పందనేంటీ..” అంటూ రిపోర్టర్ ప్రశ్న ఎక్కుపెట్టారు. ఆ ప్రశ్నకు మల్లారెడ్డి.. నవ్వూతూనే అదిరిపోయే కౌంటర్ ఇచ్చారు. “నేను బీజేపీలోకి పోతా.. కాంగ్రెస్ పార్టీలోకి పోతా.. అన్ని పార్టీలు మనవే..” అంటూ ఆన్సర్ ఇచ్చారు. మల్లారెడ్డి ఇచ్చిన సమాధానంతో.. అక్కడున్నవారంతా ఒక్కసారిగా గల్లున నవ్వారు.

కాగా.. ఇందుకు సంబంధించిన వీడియో ఇప్పుడు సోషల్ మీడియాలో వైరల్‌ అవుతోంది. కొంత మంది అయితే అవును బీజేపీలోకి పోతా అన్నంత వరకు వీడియోని కట్ చేసి వైరల్ చేస్తుంటే.. మరికొందరు ఫుల్ వీడియోను షేర్ చేస్తున్నారు. ఈ వీడియో చూసిన నెటిజన్లు.. రకరకాలుగా స్పందిస్తున్నారు. మల్లనతోనే అట్లుంది అని కొందరు.. మల్లన్నతో మామూలుగా ఉండదు మరి.. అని కొందరు కామెంట్లు చేస్తుంటే.. ఏదో ఓ రోజు పార్టీ మారటం పక్కా అంటూ మరికొందరు జోస్యం చెప్తున్నారు. ఇలా.. మల్లారెడ్డి మరోసారి ట్రెండింగ్‌లోకి వచ్చారు.