రాశిఫలాలు 25 ఫిబ్రవరి 2026: పంచగ్రహి యోగం ప్రభావంతో మేషం, కర్కాటకం సహా ఈ 5 రాశులకు కెరీర్ పరంగా పురోగతి

మేష రాశి ఫలితాలు (Aries Horoscope Today)
​మేష రాశి వారికి ఈరోజు కుజుడి ప్రభావంతో సానుకూల ఫలితాలొచ్చే అవకాశం ఉంది. ఈరోజు మీరు చాలా ధైర్యంగా ఉంటారు. ప్రభుత్వం తరపు నుంచి కొన్ని సహాయ సహకరాలు అందే అవకాశాలు పుష్కలంగా ఉన్నాయి. ఈ రాశి నుంచి పదకొండో స్థానంలో పంచగ్రహి కలయిక కారణంగా కెరీర్ పరంగా మంచి పురోగతి లభించే అవకాశం ఉంది. రాహువు, కుజుడి కలయికతో మీ ఆదాయం పెరిగే అవకాశాలున్నాయి.

వృషభ రాశి వారి ఫలితాలు (Taurus Horoscope Today)
​వృషభ రాశి నుంచి ఈరోజు ఐదు గ్రహాల కలయిక కారణంగా కెరీర్ పరంగా గణనీయమైన అవకాశాలు లభించనున్నాయి. ఈ రాశి నుంచి దశమ స్థానంలో పంచగ్రహి కలయిక జరగనుంది. ఈ సమయంలో సమాజంలో మీకు గౌరవం పెరుగుతుంది. ఈరోజు మీ కష్టానికి తగిన ఫలితాలొస్తాయి. వ్యాపారులు మరింత కష్టపడాలి. అప్పుడే మంచి లాభాలు రానున్నాయి.

మిథున రాశి వారి ఫలితాలు (Gemini Horoscope Today)
మిథున రాశి నుంచి కుంభరాశిలో పంచగ్రహి యోగం తొమ్మిదో స్థానంలో ఏర్పడనుంది. ఈ సమయంలో విదేశీ ప్రాజెక్టుల వల్ల కొన్ని ప్రయోజనాలు కలగనున్నాయి. విద్యార్థులకు ఉన్నత విద్యకు సంబంధించిన కల నెరవేరొచ్చు. అయితే ఆర్థిక పరమైన విషయాలలో జాగ్రత్తగా ఉండాలి. వ్యాపారులు కొంత డబ్బును కోల్పోయే అవకాశం ఉంది. ఉద్యోగులకు కార్యాలయంలో కొన్ని సమస్యలు ఎదురవ్వొచ్చు. అయితే మీ కుటుంబం, స్నేహితులతో సరదాగా గడుపుతారు.

కర్కాటక రాశి వారి ఫలితాలు (Cancer Horoscope Today)
కర్కాటక రాశి నుంచి పంచగ్రహి యోగం అష్టమ స్థానంలో ఏర్పడనుంది. ఈ సమయంలో మీకు కెరీర్ పరంగా మంచి పురోగతి లభిస్తుంది. మీ ఆత్మవిశ్వాసం పెరుగుతుంది. దీంతో మీకు అనేక ప్రయోజనాలు కలిగే అవకాశం ఉంది. ఉద్యోగులకు సహోద్యోగుల నుంచి మద్దతు లభిస్తుంది. ఆర్థిక పరంగా మెరుగైన లాభాలొచ్చే అవకాశం ఉంది. మీకు కొత్త ఆదాయ వనరులు లభిస్తాయి.

సింహ రాశి వారి ఫలితాలు (Leo Horoscope Today)
సింహ రాశి వారికి ఈరోజు సూర్యుడు, కుజుడి ప్రభావంతో కెరీర్ పరంగా మంచి పురోగతి లభించే అవకాశం ఉంది. ఈ రాశి నుంచి సప్తమ స్థానంలో పంచగ్రహి యోగం ఏర్పడనుంది. ఈ సమయంలో వ్యాపారులకు మెరుగైన లాభాలొచ్చే అవకాశాలున్నాయి. ఆర్థిక పరంగా మిశ్రమ ఫలితాలు రానున్నాయి. వ్యాపారులు పెట్టుబడులు పెట్టేందుకు ఈ సమయం అనుకూలంగా ఉంటుంది.

కన్య రాశి వారి ఫలితాలు (Virgo Horoscope Today)
కన్య రాశి నుంచి ఆరో స్థానంలో పంచగ్రహి యోగం ఏర్పడనుంది. అయితే ఈరోజు మీకు కొన్ని ప్రతికూల ఫలితాలు ఎదురయ్యే అవకాశాలున్నాయి. మీరు చేసే పనుల్లో నిరాశజనకమైన ఫలితాలొస్తాయి. అయితే కెరీర్ పరంగా సానుకూల ఫలితాలు రావొచ్చు. చంద్రుడి ప్రభావంతో ఆదాయం పెరగొచ్చు. అయితే ఖర్చులు కూడా అదే స్థాయిలో ఉండొచ్చు. స్టాక్ మార్కెట్లో ఉండే వ్యక్తులకు కొంత నష్టాలు రావొచ్చు.

తులా రాశి వారి ఫలితాలు (Libra Horoscope Today)
తులా రాశి వారికి పంచగ్రహి యోగం ప్రభావంతో కెరీర్ పరంగా మంచి పురోగతి ఏర్పడనుంది. ఈరోజు చంద్రుడి అనుగ్రహంతో మీకు సానుకూల ఫలితాలు రానున్నాయి. మీ వ్యక్తిగత జీవితంలో కొన్ని అడ్డంకులు తొలగిపోతాయి. ఈరోజు సరైన సమయంలో మీరు చేసే పనుల్లో ఒత్తిడి, ఆందోళన తగ్గుతుంది. అయితే మీరు పనులన్నీ నిబంధనల ప్రకారం చేయాలి. మీ పనుల కోసం ఇతరులపై ఆధారపడకూడదు.

వృశ్చిక రాశి ఫలితాలు (Scorpio Horoscope Today)
వృశ్చిక రాశి వారికి ఈరోజు పంచగ్రహి యోగం ప్రభావంతో కెరీర్ పరంగా మంచి పురోగతి లభించే అవకాశం ఉంది. గ్రహాల అనుగ్రహంతో రియల్ ఎస్టేట్ వ్యక్తులకు మంచి విజయాలు దక్కే అవకాశం ఉంది. చంద్రుడు సప్తమ స్థానం నుంచి సంచారం చేయడం వల్ల సానుకూల ఫలితాలు రానున్నాయి. ఆర్థిక పరంగా మెరుగైన ఫలితాలు రానున్నాయి.

ధనస్సు రాశి వారి ఫలితాలు (Sagittarius Horoscope Today)
ధనస్సు రాశి వారు ఈరోజు పంచగ్రహి యోగం ప్రభావంతో కొన్ని శుభవార్తలు వింటారు. మీరు చేసిన పనిలో మంచి ఫలితాలొచ్చే అవకాశాలున్నాయి. ఈరోజు మీరు చాలా ఉత్సాహంగా ఉంటారు. మీకు రావాల్సిన బకాయిలు తిరిగి పొందే అవకాశం ఉంది. దీంతో మీరు చాలా సంతోషిస్తారు. కెరీర్ పరంగా మీకు పురోగతి లభిస్తుంది. మార్కెటింగ్ రంగలో ఉండే వారికి సానుకూల ఫలితాలు రానున్నాయి. మీ ధైర్యం పెరుగుతుంది. మీ ఆదాయ వనరులు పెరుగుతాయి. అయితే పెట్టుబడుల విషయంలో చాలా జాగ్రత్తగా ఉండాలి. చంద్రుడి అనుగ్రహంతో మీరు కొన్ని బకాయిలను పూర్తి చేస్తారు.

మకర రాశి వారి ఫలితాలు (Capricorn Horoscope Today)
మకర రాశి నుంచి ఈరోజు రెండో స్థానంలో పంచగ్రహి యోగం ఏర్పడనుంది. ఈ సమయంలో కెరీర్ పరంగా పురోగతి లభిస్తుంది. ఆర్థిక పరంగా మెరుగ్గా ఉంటుంది. చంద్రుడి ప్రభావంతో వ్యాపారులకు కొన్ని లాభాలు రానున్నాయి. మరోవైపు మీరు చేసే పనిలో కొంత ఒత్తిడి ఉంటుంది. విద్యార్థులు పోటీ పరీక్షల్లో రాణించే అవకాశం ఉంది. మీ వైవాహిక జీవితంలో సంతోషంగా ఉంటుంది.

కుంభ రాశి వారి ఫలితాలు (Aquarius Horoscope Today)
కుంభ రాశి వారికి పంచగ్రహి యోగం ప్రభావంతో అనేక ప్రయోజనాలు కలగనున్నాయి. చంద్రుడి అనుగ్రహంతో మీ పనులన్నీ విజయవంతంగా పూర్తయ్యే అవకాశం ఉంది. మీ ఆర్థిక పరిస్థితి బలోపేతం కావొచ్చు. రాహువు ప్రభావంతో మీకు కొంత నిరుత్సాహంగా ఉంటుంది. కాబట్టి చాలా ధైర్యంగా ఉండాలి. మీ కుటుంబ జీవితంలో వాతావరణం ప్రతికూలంగా ఉంటుంది. ఇలాంటి సమయంలో ఆత్మవిశ్వాసంతో ఉండాలి.

మీన రాశి వారి ఫలితాలు (Pisces Horoscope Today)
మీన రాశి వారికి ఈరోజు పంచగ్రహి యోగం ప్రభావంతో కెరీర్ పరంగా మంచి పురోగతి లభించే అవకాశం ఉంది. మీ ఆర్థిక పరిస్థితి బలపడే అవకాశాలున్నాయి. మీ ఖర్చులను నియంత్రించాలి. అయితే చంద్రుడి అనుగ్రహంతో మీరు సొంత ప్రయత్నాల ద్వారా ఆదాయాన్ని పెంచుకునే అవకాశాలున్నాయి. ఈరోజు మీరు చాలా ప్రశాంతంగా కనిపిస్తారు. గ్రహాల అనుగ్రహంతో సానుకూల ఫలితాలొచ్చే అవకాశం ఉంది.

గమనిక : ఇక్కడ అందించిన జ్యోతిష్య సమాచారం, పరిహారాలన్నీ జ్యోతిష్యశాస్త్రం, మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు.