మరొక్క రోజే.. హైదరాబాద్‌లో ‘అగ్నివీర్’ ర్యాలీ.. అర్హులు ఎవరంటే?

తెలంగాణలోని నిరుద్యోగులకు గుడ్ న్యూస్. హైదరాబాద్‌లో అగ్నివీర్ రిక్రూట్‌మెంట్ ర్యాలీ నిర్వహించనున్నారు. గచ్చిబౌలిలోని జీఎంసీ బాలయోగి స్టేడియంలో డిసెంబర్ 8 నుంచి 16 వరకు నియామక ర్యాలీ జరుగనుంది.

తెలంగాణలోని నిరుద్యోగులకు గుడ్ న్యూస్. ఇండియన్ ఆర్మీ పదోతరగతి ఉత్తీర్ణులైన యువకులకు అగ్నివీర్ రిక్రూట్‌మెంట్ ర్యాలీ నిర్వహించనుంది. డిసెంబర్ 8 నుంచి 16 వరకు హైదరాబాద్‌ గచ్చిబౌలిలోని జీఎంసీ బాలయోగి స్టేడియంలో ఈ ర్యాలీ ఉంటుందని ఆర్మీ రిక్రూట్‌మెంట్ బోర్డు అధికారులు తెలిపారు.

ఇందులో భాగంగా అగ్నివీర్ జనరల్ డ్యూటీ, టెక్నికల్, క్లర్క్/స్టోర్ కీపర్ ట్రేడ్‌లలో నియామకాలు చేపట్టనన్నట్లు అధికారులు తెలిపారు. అగ్నివీర్ జనరల్ డూటీ, అగ్నివీర్ టెక్నికల్, అగ్నివీర్ క్లర్క్ / స్టోర్ కీపర్ పోస్టులకు పదోతరగతి ఉత్తీర్ణులై ఉండాలి. అలాగే అగ్నివీర్ ట్రేడ్స్‌మెన్ ఉద్యోగాలకు 8వ తరగతి ఉతీర్ణత ఉండాలి.

తెలంగాణ రాష్ట్రంలోని ఆదిలాబాద్, హనుమకొండ, భద్రాద్రి కొత్తగూడెం, జోగుళాంబ గద్వాల్, మెదక్, మంచిర్యాల, హైదరాబాద్, జనగాం, జయశంకర్ భూపాలపల్లి, జగిత్యాల, ఖమ్మం, రంగారెడ్డి, సంగారెడ్డి, సిద్దిపేట, కుమురంభీం ఆసిఫాబాద్, రాజన్న సిరిసిల్ల,  సూర్యాపేట, వికారాబాద్, యాదాద్రి భువనగిరి, మహబూబాబాద్, మహబూబ్ నగర్, మేడ్చల్-మల్కాజిగిరి, నిర్మల్, నిజామాబాద్, కామారెడ్డి, కరీంనగర్, పెద్దపల్లి,  వనపర్తి, వరంగల్ జిల్లాలకు చెందిన అభ్యర్థులు హాజరుకావచ్చని తెలిపారు.