Telangana Assembly Sessions Live News : ఆర్థిక పరిస్థితిపై శ్వేతపత్రం – అప్పులు లేని రాష్ట్రంగా మారుస్తామన్న సీఎం రేవంత్

2014 – 15లో జీతాలు, పెన్షన్ల వ్యయం రూ. 17, 130 కోట్లు ఉండగా… 2021 – 22లో రూ. 48,809 కోట్లుగా ఉంది. దాదాపు మూడు రెట్లు పెరిగిందని ప్రభుత్వం ప్రకటించిన శ్వేతపత్రంలో తెలిపింది.

విరామం తర్వాత తిరిగి అసెంబ్లీ ప్రారంభమైంది. బీఆర్ఎస్ తరపున హరీశ్ రావు… మాట్లాడుతున్నారు.

గృహనిర్మాణశాఖకు సంబంధించి 6,470 కోట్ల బకాయిలు పెండింగ్ ఉన్నాయి. తాగునీటి కార్పొరేషన్ కు సంబంధించి రూ. 20,200 కోట్ల బకాయిలు పెండింగ్ లో ఉన్నాయి. రాష్ట్ర రోడ్డు రవాణా సంస్థకు సంబంధించి రూ. 2,951 కోట్ల బకాయిలు ఉన్నాయి.

రాష్ట్రంలో ఉన్న 14 SPVలు మరియు సంస్థలు మొత్తం రూ. 1,18,557 కోట్ల రుణాన్ని సేకరించాయి.

మరికాసేపట్లో అసెంబ్లీ ప్రారంభం కానుంది. ప్రభుత్వం విడుదల చేసిన శ్వేతపత్రంపై చర్చ జరగనుంది.

తెలంగాణలో మొత్తం అప్పులు రూ.6,71,757 కోట్లుగా పేర్కొంది కొత్త ప్రభుత్వం. ఈ మేరకు వివరాలను పేర్కొంది.

10 ఏళ్ళ బీఆర్ఎస్ పరిపాలనలో తెలంగాణ అప్పుల పాలైయ్యిందన్నారు భట్టి విక్రమార్క. ఈ మేరకు 42 పేజీల శ్వేతపత్రం విడుదల చేశారు.

ఎన్నో ఆశలు, ఆకాంక్షల మధ్య తెలంగాణ రాష్ట్రం ఏర్పడింద్నారు భట్టి. కలలన్నీ గత ప్రభుత్వం హయాంలో కల్లలుగా మిగిలిపోయాయాని విమర్శించారు. రోజువారీ ఖర్చులకు కూడా ఓడీ తీసుకురావాల్సిన పరిస్థితి ఏర్పడిందని… దశాబ్ద కాలంగా జరిగిన ఆర్థిక అరాచకం ప్రజలకు తెలియాలని అభిప్రాయపడ్డారు.

రాష్ట్ర ఆస్తుల వివరాలతో బీఆర్‌ఎస్‌ ఒక డాక్యుమెంట్‌ను విడుదల చేసింది. గత పదేళ్ల హయాంలో సృష్టించిన ఆస్తుల జాబితాను అందులో పేర్కొంది. మొత్తం 51 పేజీలతో ఈ డాక్యుమెంట్ ఉంది.

అసెంబ్లీని 30 నిమిషాలపాటు వాయిదా వేశారు స్పీకర్. టీ విరామం ఇస్తున్నట్లు ప్రకటించారు.

శ్వేతపత్రంపై చర్చించేందుకు సమయం కావాలని బీఆర్ఎస్, ఎంఐఎం కోరింది.

40 పేజీలతో కూడిన శ్వేతపత్రాన్ని విడుదల చేసింది కాంగ్రెస్ ప్రభుత్వం.

రాష్ట్ర ఆర్థిక పరిస్థితిపై శ్వేతపత్రాన్ని విడుదల చేసింది కాంగ్రెస్ సర్కార్. ఈ మేరకు భట్టి ప్రకటన చేశారు. తొలుత బీఆర్ఎస్ నుంచి హరీశ్ రావుకు అవకాశం ఇచ్చారు.

సీపీఐ శాసనసభాపక్ష నేతగా కూనంనేనిని ప్రకటించారు అసెంబ్లీ స్పీకర్.

రాష్ట్ర ఆర్థిక పరిస్థితిపై డిప్యూటీ సీఎం భట్టి విక్రమార్క… శ్వేతపత్రాన్ని విడుదల చేస్తున్నారు. ఇందులో భాగంగా… ఆయన ప్రసంగిస్తున్నారు.

ఆర్థిక పరిస్థితిపై డిప్యూటీ సీఎం భట్టి విక్రమార్క… చర్చ మొదలుపెట్టారు. శ్వేతపత్రాన్ని విడుదల చేస్తున్నారు.

తెలంగాణ అసెంబ్లీ ప్రారంభమైంది. పలు సంతాప తీర్మానాలను స్పీకర్ ప్రకటించారు.

ఎంఐఎం పక్ష నేతగా అక్బరుద్దన్ ఓవైసీని ప్రకటించారు అసెంబ్లీ స్పీకర్. ఈ మేరకు ప్రకటన చేశారు.

శాసనసభ కార్యాలయంలో బీఆర్‌ఎస్ నేతల సమావేశమయ్యారు. అసెంబ్లీలో అనుసరించాల్సిన వ్యూహంపై సమాలోచనలు చేశారు.

బీజేపీ తెలంగాణ ఫ్లోర్ లీడర్ ఎవరనేది ఆసక్తికరంగా మారింది. ఈ రేసులో ఎమ్మెల్యేలు రాజాసింగ్, కాటపల్లి వెంకటరమణారెడ్డితో పాటు మహేశ్వర్ రెడ్డి కూడా ఉన్నారు.

ప్రభుత్వం తరపున సీఎం రేవంత్ రెడ్డి, డిప్యూటీ సీఎం భట్టి, మంత్రి ఉత్తమ్ ప్రధానంగా మాట్లాడే అవకాశం ఉంది. గత ప్రభుత్వంలో ఏం జరిగిందనే దానిపై వివరాలను వెల్లడిస్తారని తెలుస్తోంది.

రాష్ట్ర ఆస్తుల వివరాలతో బీఆర్‌ఎస్‌ ఒక డాక్యుమెంట్‌ను విడుదల చేసింది. గత ప్రభుత్వ హయాంలో సృష్టించిన ఆస్తుల జాబితాను అందులో పేర్కొంది.

సభలో పవర్ పాయింట్ ప్రజంటేషన్ ఇవ్వటంపై ఇంకా స్పష్టత రావాల్సి ఉంది. అయితే ప్రజంటేషన్ ఇచ్చే అవకాశం లేదని తెలుస్తోంది. దీనిపై మరికాసేపట్లో క్లారిటీ రానుంది.

రాష్ట్ర ఆర్థిక పరిస్థితిపై నేడు అసెంబ్లీలో చర్చ జరగనుంది. సభలో నివేదిక ప్రవేశపెట్టనున్నారు డిప్యూటీ సీఎం మల్లు భట్టి విక్రమార్క.

రాష్ట్ర ఆర్థిక పరిస్థితి, విద్యుత్ పై ఇవాళ ప్రధానంగా సభలో చర్చ జరగనుంది. ఈ మేరకు ప్రభుత్వం సిద్ధమైంది.

పవర్ పాయింట్ ప్రజంటేషన్ విషయంలో బీఆర్ఎస్ కు అనుమతి ఇవ్వని నేపథ్యంలో… ఆ పార్టీ ఎలా స్పందిస్తుందనేది ఆసక్తికరంగా మారింది.

కాంగ్రెస్ ప్రభుత్వానికి ధీటుగా జవాబు ఇచ్చేందుకు ప్రతిపక్ష బీఆర్ఎస్ సిద్ధమవుతోంది. ప్రధానంగా.. కేటీఆర్, హరీశ్ రావు, కడియం శ్రీహరి మాట్లాడే అవకాశం ఉంది.

ఢిల్లీ నుంచి సీఎం రేవంత్ రెడ్డి… కాసేపట్లో హైదరాబాద్ కు చేరుకోనున్నారు. అక్కడ్నుంచి నేరుగా అసెంబ్లీకి రానున్నారు.

తాజాగా మూడు రోజుల విరామం అనంతరం సభ ఇవాళ ఉదయం 11 గంటలకు ప్రారంభమవుతోంది. ఈ రోజు సమావేశంలో తెలంగాణ రాష్ట్ర ఆర్థిక పరిస్థితులు- శ్వేత పత్రంపై చర్చ జరిగనుంది.

బీఆర్ఎస్ అడిగిన పవర్ పాయింట్ ప్రజంటేషన్ కు అనుమతి నిరాకరించారు అసెంబ్లీ స్పీకర్. ఈ మేరకు సమాచారాన్ని అందించారు.

మరోవైపు ధీటుగా సమాధానం ఇచ్చేందుకు బీఆర్‌ఎస్‌ సిద్ధమవుతోంది. తమకు కూడా ప్రజంటేషన్ ఇచ్చేందుకు అవకాశం ఇవ్వాలని కోరింది. ఇవాళ సభ వాడీవేడిగా చర్చ నడిచే అవకాశం ఉంది.

రాష్ట్ర ఆర్థిక పరిస్థితిపై తెలంగాణ సర్కార్‌ శ్వేత పత్రం విడుదల చేయనుంది. అప్పులు, నీటి పారుదల, విద్యుత్‌ పరిస్థితులపై వివరించనుంది. 2014 నుంచి ఆదాయ-వ్యయాలు అప్పుల ప్రస్తావించటంతో పాటు… పవర్‌ పాయింట్‌ ప్రజంటేషన్‌ ఇవ్వనుంది. సీఎం రేవంత్‌తో పాటు భట్టి, ఉత్తమ్‌ ప్రసంగించే ఛాన్స్‌ ఉంది.

ఇవాళ ఉదయం 11 గంటలకు తెలంగాణ అసెంబ్లీ ప్రారంభం కానుంది. మొదట సంతాప తీర్మానాలు ప్రవేశపెట్టనున్నారు. ఆ తర్వాత ‘తెలంగాణ రాష్ట్ర ఆర్థిక పరిస్థితులు- శ్వేత పత్రం’పై చర్చ ఉంటుంది. పవర్‌ పాయింట్‌ ప్రజంటేషన్‌ ఇచ్చేందుకు కాంగ్రెస్ సర్కార్ సిద్ధమైంది.