Surya Grahan 2026 తొలి సూర్య గ్రహణం వేళ ఏ రాశుల వారికి లాభాలు.. ఎవరికి నష్టాలు రానున్నాయంటే..!

Surya Grahan 2026 తొలి సూర్య గ్రహణం వేళ ఏ రాశుల వారికి లాభాలు.. ఎవరికి నష్టాలు రానున్నాయంటే..!

Surya Grahan 2026 జ్యోతిష్యం ప్రకారం, ఈ ఏడాది ఫిబ్రవరి 17న కుంభరాశి, ధనిష్ఠ నక్షత్రాలలో మొదటి సూర్య గ్రహణం ఏర్పడనుంది. ఈ సమయంలో ద్వాదశ రాశులపై ఎలాంటి ప్రభావం పడుతుందనే పూర్తి వివరాలను ఇప్పుడు తెలుసుకుందాం…

Solar Eclipse

Surya Grahan 2026 వేద జ్యోతిష్యం ప్రకారం, ఈ సంవత్సరం ఫాల్గుణ అమావాస్య రోజున అంటే 17 ఫిబ్రవరి 2026 మంగళవారం రోజున తొలి సూర్య గ్రహణం ఏర్పడనుంది. శని మూల త్రికోణ రాశి అయిన కుంభరాశిలో మధ్యాహ్నం 3:26 గంటలకు ప్రారంభమై సాయంత్రం 7:57 గంటలకు ముగుస్తుంది. ఈ గ్రహణం భారతదేశంలో కనిపించదు. కాబట్టి మనకు సూతక కాలం చెల్లదు. అయితే దీని ప్రభావం 12 రాశుల వారిపై ఏదో ఒక విధంగా ఉంటుంది. సూర్య గ్రహణం సమయంలో చంద్రుడు, శుక్రుడు, రాహువు, బుధుడు కుంభరాశిలోనే ఉంటారు. ఈ సమయంలో పంచగ్రాహి యోగం కూడా ఏర్పడుతుంది. ఈ కారణంగా ద్వాదశ రాశులపై ప్రభావం పడుతుంది. ఈ సందర్భంగా మొదటి సూర్య గ్రహణం వేళ మేషం నుంచి మీన రాశుల వారికి ఎలాంటి ఫలితాలు రానున్నాయనే ఆసక్తికరమైన విషయాలను ఇప్పుడు తెలుసుకుందాం…

మేష రాశి(Aries)..
​మేష రాశి నుంచి సూర్యుడు 11వ స్థానంలో ఉంటాడు. జ్యోతిష్యం ప్రకారం, ఇది లాభస్థానంగా పరిగణించబడుతుంది. ఈ సమయం మీకు కొత్త ఆదాయ వనరులు లభించొచ్చు. ఈ కాలంలో మీరు ఆధ్యాత్మిక కార్యకలాపాలపై ఆసక్తి చూపుతారు. రాజకీయాల్లో ఉండే వ్యక్తులు ప్రజా జీవితంలో చాలా జాగ్రత్తగా ఉండాలి.

వృషభ రాశి(Taurus)..
​మొదటి సూర్య గ్రహణం వేళ వృషభ రాశి నుంచి దశమ స్థానంలో సూర్యుడు నివాసం ఉంటాడు. ఇది కెరీర్, కీర్తికి సంబంధించినదిగా భావిస్తారు. ఈ కారణంగా ఉద్యోగులకు ఈ కాలంలో ప్రత్యేకమైన గుర్తింపు లభించొచ్చు. అయితే రాహువు కారణంగా మీపై కుట్రలు కూడా జరగొచ్చు. కాబట్టి మీరు జాగ్రత్తగా ఉండాలి. మీ ప్రణాళికలను గోప్యంగా ఉంచాలి. మీ ఆరోగ్యం విషయంలో ప్రత్యేక శ్రద్ధ వహించాలి.

మిథున రాశి(Gemini)..
మిథున రాశి నుంచి సూర్యుడు తొమ్మిదో స్థానంలో ఉంటాడు. ఈ సమయంలో రాహువు ప్రభావం ఎక్కువగా ఉంటుంది. కాబట్టి ఈ కాలంలో మీకు ప్రతికూల ఫలితాలు ఎదురయ్యే అవకాశం ఉంది. ఈ సమయంలో ఉద్యోగులకు కార్యాలయంలో ఉన్నతాధికారులతో విభేదాలు రావొచ్చు. ఆర్థిక పరమైన విషయాల్లో జాగ్రత్తగా ఉండాలి. ఈ కాలంలో స్టాక్ మార్కెట్ లేదా ఇతర రంగాల్లో పెట్టుబడి పెట్టేటప్పుడు చాలా జాగ్రత్తగా ఉండాలి.

కర్కాటక రాశి(Cancer)..
కర్కాటక రాశి నుంచి సూర్యుడు అష్టమ స్థానంలో సంచారం చేయనున్నాడు. ఈ సమయంలో వైద్య నిపుణులు, న్యాయ రంగంలో ఉండే వ్యక్తులు అనేక ప్రయోజనాలు పొందొచ్చు. అయితే ఆరోగ్యం విషయంలో జాగ్రత్తగా ఉండాలి. ఈ కాలంలో మీరు ఖర్చుల విషయంలో అప్రమత్తంగా ఉండాలి. వాహనం నడిపేటప్పుడు చాలా జాగ్రత్తగా ఉండాలి.

సింహ రాశి(Leo)..
సింహ రాశి నుంచి సూర్యుడు సప్తమ స్థానంలో సంచారం చేయనున్నాడు. ఈ సమయంలో రాహువు, ఇతర గ్రహాల ప్రభావంతో మీకు ప్రతికూల ఫలితాలొచ్చే అవకాశం ఉంది. మీ వైవాహిక జీవితంలో ప్రతికూల ఫలితాలొచ్చే అవకాశం ఉంది. మీ ఆరోగ్యం విషయంలో జాగ్రత్తగా ఉండాలి.

కన్య రాశి(Virgo)..
కన్య రాశి నుంచి సూర్యుడు ఆరో స్థానం నుంచి సంచారం చేయనున్నాడు. ఈ సమయంలో పోటీ పరీక్షల్లో పాల్గొనే విద్యార్థులకు అనేక ప్రయోజనాలు చేకూరనున్నాయి. ఉద్యోగులకు కోరుకున్న చోటుకు బదిలీ అయ్యే అవకాశం ఉంది. బుధుడి అనుగ్రహంతో మెరుగైన ప్రయోజనాలు కలిగే అవకాశం ఉంది.

తులా రాశి (Libra)..
తులా రాశి నుంచి సూర్యుడు పంచమ స్థానంలో నివాసం ఉండనున్నాడు. ఈ సమయంలో తులా రాశి వారు కొంత జాగ్రత్తగా ఉండాలి. ఈ కాలంలో మీరు మానసిక గందరగోళం లేదా పిల్లలకు సంబంధించి కొన్ని ఇబ్బందులు ఎదురవుతాయి. విద్యార్థులు తమ విద్యపై ప్రత్యేక శ్రద్ధ వహించాలి.

వృశ్చిక రాశి(Scorpio)..
వృశ్చిక రాశి నుంచి సూర్యుడు నాలుగో స్థానం నుంచి సంచారం చేయనున్నాడు. ఈ సమయంలో మీ కుటుంబ జీవితంలో ప్రతికూల ఫలితాలొచ్చే అవకాశం ఉంది. ఈ కాలంలో భూమి, భవనాలు లేదా వాహనాలకు సంబంధించిన నిర్ణయాలను జాగ్రత్తగా పరిశీలించాలి. ఉద్యోగులకు కోరుకున్న చోటుకు బదిలీ అయ్యే అవకాశం ఉంది.

ధనస్సు రాశి (Sagittarius)..
ధనస్సు రాశి నుంచి సూర్యుడు మూడో స్థానంలో సంచారం చేయనున్నాడు. ఈ కాలంలో మీ ధైర్యం, శౌర్యం పెరుగుతాయి. స్నేహితులు, తోబుట్టువులతో విభేదాలు వచ్చే అవకాశం ఉంది. శని దేవుని అనుగ్రహంతో మీకు అనేక ప్రయోజనాలు కలగనున్నాయి.

మకర రాశి(Capricorn)..
మకర రాశి నుంచి సూర్యుడు రెండో స్థానంలో నివాసం ఉంటాడు. ఈ సమయంలో ఆర్థిక పరమైన విషయాలలో జాగ్రత్తగా ఉండాలి. మీ కుటుంబ జీవితంలో కలహాలు లేదా అనవసరమైన ఖర్చులు పెరగొచ్చు. మీరు పెట్టుబడి లేదా ఆస్తి సంబంధిత నిర్ణయాలు వాయిదా వేసుకోవడం మంచిది.

కుంభ రాశి(Aquarius)..
కుంభ రాశి(Aquarius)..
కుంభ రాశిలో లగ్న స్థానంలో సూర్యుడు సంచారం చేయనున్నాడు. ఈ కారణంగా మీ ఆత్మవిశ్వాసం స్వల్పంగా తగ్గొచ్చు. పోటీ పరీక్షల్లో పాల్గొనే వారు అదనపు జాగ్రత్తలు తీసుకోవాలి. ఈ కాలంలో పెట్టుబడి లేదా ఆస్తి సంబంధిత నిర్ణయాలు తీసుకోకుండా ఉండాలి.

మీన రాశి(Pisces)..
మీన రాశి నుంచి సూర్యుడు లగ్న స్థానంలో సంచారం చేయనున్నాడు. ఈ సమయంలో మీ ధైర్యం, ఆత్మవిశ్వాసం స్వల్పంగా తగ్గొచ్చు. పోటీ పరీక్షల్లో పాల్గొనే విద్యార్థులు చాలా జాగ్రత్తగా ఉండాలి. ఉద్యోగులు కార్యాలయంలో అప్రమత్తంగా ఉండాలి.

గమనిక : ఇక్కడ అందించిన జ్యోతిష్య సమాచారం, పరిహారాలన్నీ జ్యోతిష్యశాస్త్రం, మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు.