Rythu Bandhu Funds : ‘రైతుబంధు’ స్కీమ్ అప్డేట్ – రైతుల అకౌంట్లలో డబ్బులు జమ అయ్యేది ఆ రోజే..!

నవంబరు 28న జమ…

రైతుబంధు సాయం పంపిణీకి ఈసీ నుంచి అనమతి వచ్చినప్పటికీ… నిధులు ఇంకా జమ కాలేదు. శనివారం, ఆదివారం, సోమవారాలు వరుస సెలవుదినాలు కావడంతో ఈ పక్రియకు బ్రేకులు పడింది. అయితే ఈనెల 28న మంగళవారం రోజున నిధులు జమ చేయాలని ప్రభుత్వం నిర్ణయించింది. ఈ ప్రక్రియను కూడా 28 లోపే దీన్ని పూర్తి చేయాలని ఆదేశించింది ఎన్నికల సంఘం. దీంతో 28వ తేదీ సాయంత్రం లోపే రైతుల ఖాతాల్లో డబ్బులు జమ చేసే దిశగా వ్యవసాయశాఖ కూడా కసరత్తు చేస్తోంది. ఈ-కుబేర్‌ పోర్టల్‌ ద్వారా రాష్ట్రంలో అర్హులైన 70 లక్షల మంది లబ్ధిదారుల జాబితాను సిద్ధం చేసి ఆర్థికశాఖకు పంపించాయి. దీనికి అనుగుణంగా ఆర్థికశాఖ రూ.7,700 కోట్లను ట్రెజరీల నుంచి నిధులను బ్యాంకులకు జమ చేయనుంది. ఆ తర్వాత ఈ నిధులు రైతుల ఖాతాల్లోకి జమకానున్నాయి. మంగళవారం ఒక్కరోజే సమయం ఉండటంతో…. ఎలాంటి ఇబ్బందులు రాకుండా సర్కార్ ప్రయత్నాలు చేస్తోంది. గంటల వ్యవధిలోనే డబ్బులను ట్రాన్స్ ఫర్ చేసేలా చర్యలు చేపట్టింది.

ఈ ఏడాది వానాకాలం పంటకు సంబంధించి 70లక్షల మంది రైతులకు రైతుబంధు సాయం అందించింది తెలంగాణ ప్రభుత్వం. 1.5లక్షల మంది పోడు రైతులకు కూడా రైతుబంధు అమలు చేసింది. రైతుల ఖాతాల్లో మొత్తం రూ.7720.29కోట్లుకు పైగా డబ్బలు జమ అయ్యాయి. 1.54కోట్ల ఎకరాలకు రైతుబంధు సాయం అందినట్లు ప్రభుత్వం వెల్లడించింది. అయితే రబీ సీజన్ కు సంబంధించి కూడా 70 లక్షల మందికిపైగా రైతులకు రైతుబంధు సాయం అందే అవకాశం ఉంది.