Coconut Oil For Skin : చర్మానికి కొబ్బరి నూనె వాడితే కలిగే ప్రయోజనాలు తెలుసా?

పొడి, పగిలిన చర్మానికి కొబ్బరి నూనె(Coconut Oil For Skin) అత్యంత ప్రభావవంతమైన మాయిశ్చరైజర్. కొబ్బరి నూనె చర్మాన్ని హైడ్రేట్ చేయడానికి సహాయపడుతుంది. తేమను బాగా నిలుపుకోవడంలో ఉపయోగపడుతుంది. పొడిబారిన చర్మానికి(Dry Skin) కొబ్బరినూనె చక్కని రెమెడీ. కొబ్బరి నూనె మొటిమల చికిత్సకు సహాయపడుతుంది.

కొబ్బరి నూనెలో ఉండే యాంటీ ఇన్‌ఫ్లమేటరీ గుణాలు మొటిమల నివారణకు సహాయపడతాయి. ఇందులోని లారిక్, క్యాప్రిక్ యాసిడ్స్ మొటిమలను కలిగించే బ్యాక్టీరియాను చంపే సామర్థ్యంతో ఉంటాయి. మన శరీరంలో యాంటీఆక్సిడెంట్లు, కొల్లాజెన్ స్థాయిలను పెంచే సామర్థ్యం కొబ్బరి నూనెకు ఉంది. కొబ్బరి నూనె చర్మ మంటను తగ్గించడంలో సహాయపడుతుంది.

చర్మానికి కొబ్బరి నూనె యొక్క మరొక ప్రయోజనం ఏంటంటే ఇది యాంటీఆక్సిడెంట్ స్థితిని మెరుగుపరచడం ద్వారా మంటను తగ్గించడంలో సహాయపడుతుంది. యాంటీఆక్సిడెంట్లు ఫ్రీ రాడికల్స్‌తో పోరాడటానికి సహాయపడతాయి. కొబ్బరి నూనె చర్మంపై నల్ల మచ్చలను తగ్గించడంలో ఉపయోగపడుతుంది. మీ చర్మాన్ని హైడ్రేట్ చేయడానికి కొబ్బరి నూనెను స్నానానికి ముందు లేదా తర్వాత అప్లై చేయవచ్చు. మీ మెడ నుండి నూనెను రుద్దుతూ.. మోచేతులు, మోకాళ్లు, చేతులు, కాళ్లు వంటి పొడి ప్రాంతాల్లో నూనెను రాయండి. మీ మేకప్‌ను తొలగించడానికి కొబ్బరి నూనెను కూడా ఉపయోగించవచ్చు. అలాగే చలికాలంలో లిప్ బామ్‌గా కూడా వాడొచ్చు.