Retail inflation drop: సామాన్యులకు అదిరిపోయే గుడ్‌న్యూస్.. భారత్‌లో భారీగా తగ్గిన ధరలు!

2025 జూలైలో భారతదేశ రిటైల్ ద్రవ్యోల్బణం గణనీయంగా తగ్గి 1.55 శాతానికి చేరింది. ఇది ధరల తగ్గుదలను సూచిస్తోంది. గత 8 ఏళ్లలో నమోదైన అత్యల్ప ద్రవ్యోల్బణ రేటు ఇది. ఆహార పదార్థాల ధరలు తగ్గడమే ఈ తగ్గుదలకు కారణమని ప్రభుత్వ గణాంకాలు చెబుతున్నాయి.

భారత ఆర్థిక వ్యవస్థ(Indian Economy) కు ఊరట కలిగించే వార్త.. 2025 జూలైలో భారతదేశ రిటైల్ ద్రవ్యోల్బణం(retail-inflation) గణనీయంగా తగ్గి 1.55 శాతానికి చేరింది. ఇది ధరల తగ్గుదలను సూచిస్తోంది. గత 8 సంవత్సరాలలో నమోదైన అత్యల్ప ద్రవ్యోల్బణ రేటు ఇది. చివరిసారిగా జూన్ 2017లో ద్రవ్యోల్బణం 1.46 శాతంగా నమోదైంది. ముఖ్యంగా ఆహార పదార్థాల ధరలు తగ్గడం ఈ తగ్గుదలకు ప్రధాన కారణమని ప్రభుత్వ గణాంకాలు వెల్లడిస్తున్నాయి.

రిటైల్ ద్రవ్యోల్బణం రిజర్వ్ బ్యాంక్ ఆఫ్ ఇండియా (RBI) నిర్దేశించిన 2% నుండి 6% వరకు ఉన్న టాలరెన్స్ బ్యాండ్ కంటే తక్కువగా పడిపోవడం గత 8 సంవత్సరాలలో ఇదే మొదటిసారి. ఇది సామాన్య ప్రజలకు జీవన వ్యయం తగ్గుతుందని, వారి కొనుగోలు శక్తి పెరుగుతుందని సూచిస్తుంది.