సూపర్ గుడ్ ఫిల్మ్స్ 99వ చిత్రం… విశాల్‌కి జోడీగా దుషార విజయన్

సూపర్‌ గుడ్ ఫిల్మ్స్.. ఈ బ్యానర్ గురించి తెలియని తెలుగు ప్రేక్షకులు ఉండరేమో. 1990లో ‘పుదు వసంతం’తో మొదలైన ఈ బ్యానర్ ప్రస్థానం తమిళ, తెలుగు ఇండస్ట్రీలో రెండు దశాబ్దాల పాటు దిగ్విజయంగా సాగిపోయింది. తెలుగులో సుస్వాగతం, నువ్వు వస్తాయని, నిన్నే ప్రేమిస్తా, ప్రియమైన నీకు, సింహరాశి, ప్రేమంటే ఇదేరా, అదృష్టం, సంక్రాంతి, శివరామరాజు, రాజా, అందాల రాముడు.. ఇలా ఎన్నో మరుపురాని చిత్రాలను అందించింది ఈ సంస్థ. తమిళ్‌ హిట్ అయిన చిత్రాలను తెలుగులో రీమేక్ చేయడం, ఇక్కడ విజయవంతమైన సినిమాలను తమిళ్‌లో రీమేక్ చేస్తూ మంచి స్ట్రాటజీతో సక్సెస్‌ఫుల్ నిర్మాతగా ఎదిగారు ఆర్.బి.చౌదరి. ‘రంగం’ చిత్రంతో తెలుగువారికి దగ్గరైన హీరో జీవా ఈయన కుమారుడే. ఈ సంస్థకు ఎస్ఏ రాజ్‌కుమార్ ఆస్థాన సంగీత దర్శకుడిగా ఉండేవారు. ఈ బ్యానర్‌లో వచ్చిన సినిమాలన్నీ మ్యూజికల్ హిట్సే.