సంక్రాంతి వేళ చికెన్ ప్రియులకు నోరూరించే వార్త.. సగానికి సగం తగ్గిన ధరలు, కేజీ ఎంతంటే..?

వారం కిందటి వరకు మండిపోయిన చికెన్ ధరలు ఇప్పుడు భారీగా తగ్గిపోయాయి. ఏకంగా సగానికి సగం పడిపోయి.. మాంస ప్రియుల నోరూరిస్తున్నాయి. మొన్నటివరకు కిలో చికెన్ ధర.. రూ.240

Chicken Price: సంక్రాంతి పండుగ వేళ చికెన్ ప్రియులకు నోరూరించే వార్త. కార్తీక మాసంలో భారీగా తగ్గిన చికెన్ ధరలు.. ఆ తర్వాత అమాంతం పెరిగిపోయాయి. కొత్త సంవత్సర వేడుకల సందర్భంగా.. చికెన్ ధరలు కొన్ని చోట్ల మండిపోయాయి. అయితే.. ఇప్పుడు మాత్రం భారీగా తగ్గాయి. ఎంతగా అంటే.. సగానికి సగం తగ్గిపోయాయి. వారం కిందటి వరకు చికెన్ ధర.. 240 నుంచి 260 వరకు ఉండగా.. ప్రస్తుతం ఏపీలో కిలో చికెన్ ధర కేవలం రూ.120గా నడుస్తోంది. క్రిస్టమస్ నుంచి న్యూ ఇయర్ వరకు సరాసరిగా రూ.250గా ఉన్న చికెన్ ధర.. ఇప్పడు ఒక్కసారిగా సాగానికి పడిపోవటం.. పండగవేళ సామాన్యులకు ఊరటినిచ్చే అంశంమే.

చికెన్ ధరలు ఇలా పెరుగుతూ తగ్గుతూ ఉంటే.. గుడ్ల ధరలకు మాత్రం రెక్కలు వచ్చాయి. పెరగటమే తప్ప తగ్గేదే లే అంటూ గుడ్ల రేట్లు మండిపోతున్నాయి. రెండు తెలుగు రాష్ట్రాల్లోనూ.. ఒక్కో గుడ్డు ధర.. రూ.7 నుంచి రూ.8 రూపాయలు పలుకుతోంది. తెలుగు రాష్ట్రాల్లో ఉష్ణోగ్రతలు గణనీయంగా పడిపోతుండటమే ఇందుకు కారణంగా చెప్తున్నారు. చలి తీవ్రత పెరుగుతుంటం వల్ల కోళ్ల ఆరోగ్యం తీవ్రంగా దెబ్బతింటుండటంతో.. కోడి గుడ్ల ఉత్పత్తి తగ్గిపోతుంది. దీంతో.. చికెన్ ధరలు పడిపోయి.. గుడ్ల రేట్లు పెరిగిపోతున్నట్టు ఫౌల్ట్రీఫాం నిర్వాహకులు చెప్తున్నారు.