ఈ మెరిట్‌ జాబితా విడుదలైన తర్వాత అభ్యర్థుల ధ్రువపత్రాల పరిశీలన డిసెంబ‌రు 29 నుంచి ప్రారంభం కానుంది. పరిశీలనకు 70 మంది అధికారులను ప్రత్యేకంగా నియమించారు. కాగా రాష్ట్ర వ్యాప్తంగా 7,094 స్టాఫ్‌నర్సు పోస్టుల భర్తీకి నోటిఫికేషన్‌ విడుదల చేయగా.. రాష్ట్రవ్యాప్తంగా 40,936 మంది అభ్యర్థులు రాతపరీక్షకు హాజరయ్యారు. రాతపరీక్షలో సాధించిన మార్కులతో పాటు ప్రభుత్వ వైద్య సేవల అనుభవానికి ప్రత్యేకంగా పాయింట్లు కేటాయించనున్నారు. ధ్రువపత్రాల పరిశీలన అనంతరం తుది జాబితా విడుదల చేయనున్నారు. అభ్యర్థులు మెరిట్‌ జాబితాను https://mhsrb.telangana.gov.in/ వెబ్‌సైట్‌లో చెక్‌ చేసుకోవచ్చు.