Moongdal Idli: పెసరపప్పుతో స్పాంజీ ఇడ్లీలు.. మరింత రుచికరంగా..

కావాల్సిన పదార్థాలు:

సగం కప్పు పెసరపప్పు

సగం కప్పు మినప్పప్పు

2 పచ్చిమిర్చి

1 కప్పు పెరుగు

1 చెంచా అల్లం తురుము

తగినంత ఉప్పు

పావు చెంచా పసుపు

చిటికెడు ఇంగువ

2 చెంచాల నూనె

తయారీ విధానం:

1. ముందుగా పెసరపప్పు, మినప్పప్పును కడుక్కుని నానబెట్టుకోవాలి. 4 నుంచి 5 గంటలు నానితే సరిపోతుంది.
2. ఆ తరువాత పెరుగు, అల్లం, పచ్చిమిర్చి, నానబెట్టిన మినప్పప్పు, పెసరపప్పు, ఉప్పు మిక్సీ జార్‌లో వేసుకుని మెత్తగా మిక్సీ పెట్టుకోవాలి.
3. ఈ పిండిని కనీసం 6 నుంచి 7 గంటల పాటూ పులియబెట్టుకోవాలి.
4. తర్వాత పసుపు కాస్త కలుపుకుని పిండిని బాగా కలుపుకోవాలి. అవసరమైతే ఈ పిండితో కాస్త నూనెలో ఆవాలు, కరివేపాకు వేసుకుని తాలింపు పెట్టుకొని కలుపుకోవచ్చు. రుచి కాస్త భిన్నంగా ఉంటుంది. లేదంటే ఈ పిండితో నేరుగా ఇడ్లీలు చేసుకోవచ్చు.
5. ఇప్పుడు ఇడ్లీ పాత్రలకు నూనె లేదా నెయ్యి రాసుకుని గరిటెడు పిండి పోసుకుని ఆవిరి మీద ఉడికించుకుంటే చాలు. రుచికరమైన పెసరపప్పు ఇడ్లీలు రెడీ అయినట్లే.
6. ఈ ఇడ్లీలను కూడా సాంబార్ లేదా చట్నీతో సర్వ్ చేసుకుంటే చాలా రుచిగా ఉంటాయి.