శివరాత్రి స్పెషల్ ఉపవాసం ఉండేవారు ఇష్టంగా తాగేందుకు థాండాయ్ డ్రింక్, ఈజీగా ఇంట్లోనే చేసి రోజంతా తాగొచ్చు

శివరాత్రి రోజున హిందూవుల్లో చాలా మంది ఉపవాసం ఉంటారు. ఈ టైమ్‌లో భోజనం అస్సలు తీసుకోరు. ఎక్కువగా పండ్లు, ఫలహారాలు, డ్రింక్స్‌ని ఎక్కువగా తీసుకుంటారు. ఇవే మనల్ని రోజంతా యాక్టివ్‌గా ఉంచేలా ప్లాన్ చేసుకుంటారు. శివరాత్రి మన దగ్గరే కాదు, నార్త్‌లో కూడా చేసుకుంటారు. అక్కడఎక్కువగా ఈ రోజున థాండాయ్ చేసుకుంటారు. మరి ఈ డ్రింక్‌ని ఎలా తయారుచేయాలో ఇప్పుడు చూద్దాం.

థాండాయ్ రెసిపీ. శివరాత్రి వచ్చిందంటే ఎండకాలానికి ఆరంభం పలికినట్లే. ఈ టైమ్‌లో చల్లని థాండాయ్ రెసిపీని చాలా మంది ఎంజాయ్ చేస్తారు. ఇదే శివరాత్రికే కాదు, హోలీకి కూడా చేస్తారు. ఎక్కువగా నార్త్‌ సైడ్ చేసే ఈ రెసిపీని మన దగ్గర కూడా చాలా మంది చేసుకుంటారు. తెలియని వారు దీనిని ఎలా చేయాలో ఇప్పుడు చూద్దాం.
ఈ థాండాయ్ డ్రింక్ సమ్మర్స్పెషల్ అని చెప్పొచ్చు. శివరాత్రి, హోలీ రోజున చాలా మంది చేసుకుని తీరతారు. మరి ఇంట్లోనే చక్కగా దీనిని ఎలా చేయాలో చెఫ్ సంజ్యోత్ యూట్యూబ్‌లో షేర్ చేశారు. మరి దీనిని ఎలా చేయాలో మీరు తెలుసుకుని ఈ శివరాత్రి రోజున తాగేయండి.

కావాల్సిన పదార్థాలు

​2 టేబుల్ స్పూన్ల బాదం​
ఒకటిన్నర స్పూన్ పిస్తాపప్పు
1 టేబుల్ స్పూన్ మెలన్ సీడ్స్
1 టేబుల్ స్పూన్ గసగసాలు
అరటేబుల్ స్పూన్ సోంపు
1 టేబుల్ స్పూన్ నల్ల మిరియాలు
4 యాలకులు
1 టేబుల్ స్పూన్ డ్రై గులాబీ రేకులు
కొద్దిగా కుంకుమపువ్వు
వీటన్నింటిని నానబెట్టేందుకు నీరు
4 టేబుల్ స్పూన్ల పటిక బెల్లం
అర టీస్పూన్ అల్లం పొడి
చిటికెడు జాజికాయ పొడి
1 లీడర్ చల్లని పాలు
150 గ్రాముల రబ్డీ
100 గ్రాముల తాజా పెరుగు

ఏం చేయాలి

ముందుగా పదార్థాలన్నీ ఓ బౌల్‌లో వేసి అవసరమనుకుంటే ఓ సారి నీటితో కడగండి. లేదనుకుంటే నీరు పోసి నానబెట్టండి. వీటన్నింటిని ముందురోజు రాత్రి లేదా కనీసం 4, 5 గంటలైనా నానబెట్టండి. వీటిని ఎందుకు నానబెట్టాలంటే ముందుగా చెప్పుకున్నట్లు ఎండాకాలంలో దీనిని తయారుచేస్తాం. ఈ టైమ్‌లో వేడితత్వం ఉండే డ్రైఫ్రూట్స్‌ని నానబెట్టడం వల్ల అవి ఆ వేడితత్వాన్ని పోగొట్టినట్లుగా ఉంటుంది.

బ్లెండ్ చేయడం
నానబెట్టిన డ్రై ఫ్రూట్స్‌ని బ్లెండర్‌లో వేయండి. అందులోనే పటికబెల్లం వేయండి. అల్లం పొడి వేయండి. అందులోనే జాజికాయ పొడి చిటికెడు వేయండి. కొన్ని చల్లని పాలు వేయండి. బాగా మిక్స్ చేయండి. వీటిని స్ట్రెయినర‌లో ఓ క్లాత్ వేసి వడకట్టండి. వడకట్టగా వచ్చిన పిప్పిలో మరికొన్ని పాలు వేసి మరోసారి బ్లెండ్ చేసి వడకట్టండి. మొత్తం పాలని పిండేయండి. ఇప్పుడు వచ్చిన పిప్పి మొత్తాన్ని అలానే ఉంచండి.

పెరుగు, రబ్డీని తీసుకోండి
ఇప్పుడు ఓ బౌల్‌లో రబ్డీ వేసుకోండి. అందులోనే పెరుగు వేయండి. మిగిలిన పాలని అందులో వేయండి. వీటన్నింటినీ బాగా కలపండి. ఇప్పుడు పెరుగు మిశ్రమాన్ని ముందుగా వడకట్టిన పాలలో వేసి వడకట్టి పోయండి. మొత్తాన్నంతా స్ట్రెయినర్‌‌లో రుద్దండి. దీంతో మొత్తం రబ్డీ అంతా పాలల్లో కలుస్తుంది. ఓ సారి పాలన్నింటినీ బాగా కలపండి. దీని వల్ల మంచి రిచ్ మిల్క్ రెడీ అవుతుంది.

ఫ్రిజ్‌లో పెట్టి ఎంజాయ్ చేయండి
ఇప్పుడు తయారైన థాండాయ్‌ని ఫ్రిజ్‌లో పెట్టి చల్లచల్లగా ఎంజాయ్ చేయండి. దీనిని ఫ్రిజ్‌లో పెడితే 2 రోజులైనా ఫ్రెష్‌గానే ఉంటుంది. వీటిని గ్లాసులో పోసి కాస్తా కుంకుమపువ్వు, డ్రైఫ్రూట్స్‌తో గార్నిష్ చేసి తాగండి. దీనిలో నట్స్, రబ్డీ, పెరుగు, గులాబీ రేకులు అన్నీ కలుస్తాయి. కాబట్టి, హ్యాపీగా ఈ డ్రింక్‌ని ఎంజాయ్ చేయండి.