రేపే చంద్రగ్రహణం, ఈ గ్రహణ సమయంలో గర్భిణీ స్త్రీలు ఏం చేయకూడదు?

ఈ చంద్రగ్రహణం మన దేశంలో పెద్దగా కనిపించే అవకాశం లేదు. కానీ జపాన్, యూరోప్, అమెరికా దేశాల్లో మాత్రం దీన్ని చూడవచ్చు. ప్రపంచవ్యాప్తంగా ఉన్నా అనేక సంస్కృతులలో గ్రహణానికి, గర్భిణీ స్త్రీలకు మధ్య అనుబంధం ఉన్నట్టు చెప్పుకుంటారు. ఆ సమయంలో వారి ఆరోగ్యాన్ని కాపాడుకోవాలని సూచిస్తారు.

జ్యోతిష్య శాస్త్రం చెబుతున్న ప్రకారం చంద్రగ్రహణం రోజూ గర్భిణీ స్త్రీలు సురక్షితంగా ఉండాలని, లేకుంటే బిడ్డలకు కొన్ని సమస్యలు రావచ్చని అంటారు. అందుకే గర్భిణీ స్త్రీలను గ్రహణం సమయంలో పూర్తిగా ఇంట్లోనే ఉండమని సూచిస్తోంది జ్యోతిష్య శాస్త్రం.

గ్రహణ సమయంలో ఎక్కువ మంది గర్భిణీలు ఏది తినడానికీ, తాగడానికీ ఇష్టపడరు. కాబట్టి గ్రహణం మొదలవడానికి ముందే ఎక్కువ నీటిని గర్భిణీలు తాగాలి. గ్రహణం ముగిసే వరకు వారు తాగకూడదు అనుకుంటేనే ఇలా చేయాలి. దాహం వేస్తున్నా… నీళ్లు తాగకుండా ఉంటే డిహైడ్రేషన్ సమస్య మొదలు కావచ్చు. కాబట్టి గ్రహణం సమయంలో పట్టింపులు ఉన్న గర్భిణులు గ్రహణం మొదలవడానికి ముందే ఎక్కువ నీటిని తాగాలి.

గ్రహణం సమయంలో గర్భిణీలు ఎక్కువ ఆందోళనకు గురవుతారు. దీనికి కారణం పూర్వం నుంచి చెప్పే కొన్ని కథలు ఆ సమయంలో కొన్ని వస్తువులు ముట్టుకోకూడదని అంటారు. శరీరంపై గోక్కోకూడదని, కత్తులు పట్టుకోకూడదని, తలుపు గడియలు వేయకూడదని చెబుతారు. దీని వల్ల వారిలో చాలా ఒత్తిడి పడుతుంది. కాబట్టి ఆ సమయంలో ప్రశాంతంగా ఉండేందుకు ప్రయత్నించాలి. ఎంత విశ్రాంతిగా ఉంటే అంత మంచిది.