మీరు తిన్న వెంటనే కూర్చుంటున్నారా..? ఇలా చేస్తే ఏమౌతుందో తెలుసా..?

మనలో చాలా మంది భోజనం తర్వాత పది నిమిషాలు కూర్చోవాలని అనుకుంటాం. కొందరు వెంటనే పడుకోవడానికి ప్రయత్నిస్తారు. కానీ ఇది ఆరోగ్యానికి మంచిది కాదు. అలసట తగ్గుతుంది అనుకున్నా.. దీని వల్ల శరీరానికి చాలా నష్టాలు జరుగుతాయి. ముఖ్యంగా రక్తంలో చక్కెర స్థాయిపై ఇది తీవ్ర ప్రభావం చూపుతుంది.

ఎక్కువగా కార్బోహైడ్రేట్లు ఉన్న అన్నం లేక పిండి పదార్థాలు తిన్న తర్వాత కదలకుండా కూర్చుంటే.. రక్తంలో గ్లూకోజ్ స్థాయి చాలా పెరుగుతుంది. ఇది అలాగే ఉంటే టైప్ 2 షుగర్ డిసీజ్ రావడమే కాకుండా.. పొట్ట చుట్టూ కొవ్వు పేరుకునే ప్రమాదం ఉంది. దీన్ని ఆపడానికి ఒక చిన్న మార్గం ఉంది. భోజనం చేసిన తర్వాత కేవలం రెండు నిమిషాలు నడవడం.

నడక శరీరంలోని ముఖ్యమైన కండరాలను పనిచేయిస్తుంది. భోజనం తర్వాత నడిస్తే ఆహారం ద్వారా వచ్చిన గ్లూకోజ్ శరీరంలో వేగంగా ఖర్చవుతుంది. దీని వల్ల బ్లడ్ షుగర్ స్థాయి అదుపులో ఉంటుంది. అంతే కాదు మనం తీసుకునే ఎక్కువ క్యాలరీలు కూడా శరీరంలో తక్కువగా నిల్వ అవుతాయి. ఇది పొట్ట చుట్టూ పేరుకునే కొవ్వును తగ్గించడంలో కూడా సహాయపడుతుంది.

ఒక ప్రసిద్ధ స్పోర్ట్స్ మెడిసిన్ జర్నల్‌లో ప్రచురించిన అధ్యయనాల ప్రకారం, భోజనం చేసిన వెంటనే 2 నుంచి 5 నిమిషాలు నడిచేవారిలో, కూర్చునే వారితో పోలిస్తే బ్లడ్ గ్లూకోజ్ స్థాయి తక్కువగా ఉంది. ఈ చిన్న నడక గుండె ఆరోగ్యాన్ని మెరుగుపరచడంలోనూ, అధిక రక్తపోటును నియంత్రించడంలోనూ సహాయపడుతుంది.