నేడే గురు ప్రదోష వ్రతం: వ్రత కథ ఏంటి? ఈ వ్రతాన్ని ఆచరించడం వల్ల కలిగే ఫలితాలేంటి?

Guru Pradosha Vratam: ఈ సంవత్సరం గురు ప్రదోషం నవంబర్ 28 గురువారం అంటే నేడు వచ్చింది. వ్రత కథ వినకపోతే గురు ప్రదోష దీక్ష అసంపూర్ణమని భావిస్తారు భక్తులు. ఈ రోజున శివుడి అనుగ్రహం కోసం ఉపవాస దీక్షను చేపట్టిన వారు వ్రత కథను తప్పక వినాలి లేదా చదవాలి.

ప్రతి సంవత్సరం మార్గశిర మాసంలోని కృష్ణపక్ష త్రయోదశి నాడు గురు ప్రదోష వ్రతాన్ని ఆచరిస్తారు. ఈ సారి ప్రదోష వ్రతం నవంబర్ 28 రోజున గురు ప్రదోష వ్రతం జరుపుకుంటున్నారు. హిందూ పురాణాల ప్రకారం ప్రదోష వ్రతం రోజు శివ కుటుంబాన్ని పూజించేందుకు ఎక్కువ ప్రాముఖ్యత ఉంది. ఈ రోజున పరమేశ్వరుడి ఆయన కుటుంబాన్ని భక్తి శ్రద్ధలతో పూజించడం వల్ల కోరిన కోరికలు నెరవేరతాయని, సంపద, కీర్తి, శ్రేయస్సు లభిస్తాయని భక్తులు విశ్వసిస్తారు. ఈ రోజున ఉపవాస దీక్ష చేపట్టి సంతానం కలగాలని కోరుకునే వారికి సంతాన ప్రాప్తి లభిస్తుందని నమ్మిక. గురు ప్రదోష వ్రతం రోజున ఉదయాన్నే ఉపవాస దీక్షను ప్రారంభిస్తారు. సాయంత్రం పూజలు, వ్రతాలను ఆచరిస్తారు. అయితే ఈ రోజున చేసే పూజలు, వ్రతాలకు ఫలితం దక్కాలంటే ప్రదోష వ్రత కథను తప్పక వినాల్సిందే. వ్రత కథను వినకుంటే ఇవాళ చేపట్టే దీక్ష అసంపూర్ణమవుతుందని హైందవులు నమ్ముతారు.