చెట్టుకు ఎర్రదారం కట్టడం వల్ల కలిగే ప్రయోజనాలేంటి, ఏయే చెట్లకు ఈ దారాన్ని కట్టచ్చు?

న్ని శతాబ్దాలుగా పాటిస్తున్న హిందూ సంప్రదాయాలలో చెట్టుకు ఎర్ర దారం కట్టడం కూడా ఒకటి. చాలా గుడిలలో మొక్కుబడిగా వీటిని చెట్లకు కడుతుంటారు. చెట్టుకు ఎర్రదారం కట్టడం వల్ల కలిగే ప్రయోజనాలేంటి. ఏ చెట్టుకు కట్టాలి తెలుసుకుందాం.

చెట్టుకు ఎరుపు రంగు దారం కట్టడమనే ఆచారానికి హిందూ సంప్రదాయాలలో ఎంతో ప్రాముఖ్యత కలిగి ఉంది. కల్వా, రాఖీ, రక్షాబంధనం వంటి రకరకాల పేర్లతో పిలిచే ఈ దారాన్ని చెట్టుకు కట్టడ వల్ల కేవలం ఆధ్మాత్మిక సంబంధమే కాకుండా మనుషులకు, ప్రకృతికి మధ్య ఒక సంబంధాన్ని బయటపెడుతుంది. ప్రక‌ృతి పట్ల ప్రేమతో పాటు అంకితభావమున్న భక్తిని నెలకొల్పి ప్రశాంతతను అందిస్తుంది. హిందూ ఆచారాలలో చెట్లకు ఎక్కువ ప్రాధాన్యతనిస్తారు. వాటి ముందు చేసే ప్రార్థనను నేరుగా అవి దేవుడి వరకూ చేరుస్తాయని బాగా విశ్వసిస్తారు. అందుకే ఎర్ర దారాన్ని చెట్టుకు కట్టి తమ మొర ఆలకించమని దేవుళ్లను వేడుకుంటారు. దేవుడు మన కోర్కెలు తీరుస్తాడని, అన్ని వేళలా తమకు రక్షగా ఉంటాడనే విశ్వాసంతో పాటుగా ప్రకృతి మనకు ఎంతైనా ఇవ్వగలదనే విశ్వాసంతో ఉంటారు.